深呼吸過後 藍奕邦推出新歌《努力地生活》 預告將於6月台北音樂會首唱

藍奕邦每次推出的新作品總有存有一種「估你唔到」的突襲驚喜！多年來，他堅持為香港樂壇創作不同風格、不同題材的音樂，為的就是證明香港的廣東歌市場包容性可以很強。經過年月錘鍊，藍奕邦早已達成目標，為香港樂壇的資料庫留下許多元素：「所以⽽家，我可以俾⾃⼰盡情地做⼀隻最⾎淋淋嘅失戀K歌，我相信無⼈會質疑我。」全新作品《努力地生活》由此而生，並於今日（23日）正式推出！

從唾棄到理解港式失戀K歌的意義

「初入⾏嗰陣，好唾棄呢種失戀K歌。做得耐，就會發現寫⼀⾸呢啲（K歌）唔難，但要寫得⾼質但⼜中，⼜令⼈有衝動衝去K房唱，係非常之難。最重要，當你真正經歷過⼀次狠狠的失戀，你會明⽩，點解港式失戀K歌係咁有市場，佢真係有⼀種療癒喺入⾯。」藍奕邦如是說。

新歌《努力地生活》就是他療癒自己的紀錄。藍奕邦坦白地說：「上次分手到而家已經幾年，呢首歌就一直蘊釀，『努力地生活』呢五隻字，係我呢幾年嘅座右銘。」他憶述伴侶一夜之間搬走，令他重返獨居狀態：「突然要獨居，好多年冇試過，對當時嘅我好震撼，所以我同自己講要『努力地生活』，就算身邊冇伴，都唔好畀人睇死你一個人搞唔掂！」

藍奕邦酒醉後執筆寫出失戀後感，最後寫成新歌《努力地生活》。

記下曾失戀飲酒爛醉發癲 情緒透支到復原

療傷從來非一朝一夕，藍奕邦笑謂數年來，當然有「搞唔掂」的時候：「明明好努力、明明係個成年人，點解自己仲咁垃圾？⽣活好多瑣碎事，甚⾄⾃⼰嘅情緒管理，都彷彿handle唔到。有啲時候，甚至會覺得努⼒去過⽣活真係好攰，我寧願⾃⽢墮落，飲到爛醉發癲，但係酒醒之後，又會覺得好醜，如果前度⾒到都會搖頭嘆氣。」

藍奕邦以最擅長的音樂創作療癒自己，親手記錄最真實的失戀心情：「失戀，令⼈再重新學習成長，但係呢個過程需要時間，⼀齊咗幾耐，就需要同樣時間去療癒同恢復。」因此，《努力地生活》才一直蘊釀至今。他邀來香港著名音樂人徐繼宗共譜曲詞，因為對方正是陪藍奕邦走過療傷的重要見証人。

於「魚蛋歌」聖手aka失戀見証人徐繼宗家地庫 共同創作失戀曲詞

這位由入行已經認識的音樂人，藍奕邦笑指是「魚蛋歌」聖手，一直期待唱他的作品：「佢嘅hookline好強，但唔俗氣，令人聽完會想去唱K。我正式同前度攤牌嗰晚，就係住喺徐繼宗溫哥華屋企，佢之後仲車我返前度舊屋企執返自己啲嘢。」藍奕邦亦是在他家的地庫寫下這首歌：「寫嚟寫去都寫唔到啱心水嘅副歌，我就叫徐繼宗幫我寫，冥冥中註定，呢首講我真實故事嘅歌，必須有佢參與。」

MV方面，藍奕邦找來同樣正為失戀療傷的導演阿爛：「呢幾年，同阿爛合作無間，巧合地佢同我都面對緊相同課題，大家都有種對人歡笑背人愁嘅體驗。我就叫佢自己演返呢個MV，當係一份禮物，用呢個MV畀佢排毒，然後我哋就真係要move on啦。」《努力地生活》就是如此真實的大眾情歌，藍奕邦為了加強真實感，特別趁着在台灣宣傳期間，拍下與阿爛視像通話的畫面放入MV，血淋淋地呈現你我他的生活現況。

下月14日，被當地譽為橫誇香港流行與獨立唱作鬼才的藍奕邦將於台北舉行《Snug In My Arms Live Tour 2025》台灣站，屆時他將首次演唱《努力地生活》，讓台灣的樂迷感受到港式失戀K歌的獨有魅力。

藍奕邦全新單曲《努力地生活》 MV 即將上架，敬請期待！

藍奕邦《Snug In My Arms Live Tour 2025》台灣站

演出日期：2025年6月14日

演出地點：SUB LIVE （台北市南港區市⺠大道八段99號）

購票平台：https://theaterfreespace.kktix.cc/events/f581d309