朱紫嬈型格黑膠店大搞新歌《Done For The Day》發佈會 獲多位好友支持

朱紫嬈Khloe 相隔6年再推出新歌，今日於尖沙咀大搞新歌《Done For The Day》發佈會兼宣佈加盟新公司，更即場獻唱新歌Done for the day，令全場打爛手掌，Khloe獲多位好友到場支持，有韋雄、Missy的陳芊芸、翟威廉、丁文俊、路芙等，而Khloe最感動有3位前輩Joey Tang、向海嵐及賈思樂收到訊息後二話不說到場支持，而好友黃劍文更帶同鮮花到場支持Khloe，Khloe活動期間多次感動落淚。

Khloe 提及香港生活步伐緊張， 很多香港人都有都市病的問題， 其實每一個人都需要空間俾自己喘息， 每個人放鬆嘅方式都唔同，Khloe 自己會選擇用沖涼嘅時間放鬆，呢個亦係歌曲MV嘅主題。被問及MV的的裸露鏡頭，點解唔自己親自上陣， Khloe笑言自己好難親自落場，加上導演比較鍾意睇男仔， 所以將呢個重任交比男主角。

對於加盟新公司， Khloe表示係一個好偶然嘅機會認識天盟娛樂嘅老闆培哥，培哥一直好欣賞自己嘅音樂，亦都比好大自由度，就算MV內有大尺度畫面都非常支持， 所以多謝老闆比佢做呢個咁任性嘅決定。