區瑞強演唱會宣佈抱孫吳大強台上脫衣助興預告11月演唱會再次「強強聯手」

2024-05-252024-05-25 浩楠

區瑞強（ALBERT）5月24日於伊利沙伯體育館舉行首場《區瑞強開心樂悠悠演唱會2024》，ALBERT 邀請來中年好聲音吳大強及兒子區昕進擔任表演嘉賓，送上一連串中英文經典金曲，全場近3500座位爆滿，座無虛席。不少圈中好友如樂易玲、龔嘉欣、譚凱琪、譚玉瑛、李有毅、陳圖安、新人范明熙等亦現身支持，星光熠熠。

ALBERT說：「今次演唱會以半慈善形式舉行，推出優惠票價，希望讓更多喜歡音樂，但經濟上有困難嘅朋友可以入場一齊享受，亦非常感謝Bill哥哥答應做賓嘉，我一直都好欣賞佢，尤其係唱英文歌非常了得，而且原來佢玩樂器都有一手，今次仲身穿蘇格蘭裙吹口琴，更台上即時換衫，令演唱會增添唔少色彩。」

而吳大強則表示興奮：「對於今次演唱會我都期待已久，今次玩D 新意思，台上換衫可以話係破天荒，剛剛我其實專登換慢D，考下ALBERT口才同急才，果然難佢唔到！」

而ALBERT於台上有感而發，宣佈大兒子成為父親：「唱到《漁火閃閃》一曲時，回想起大兒子兩歲時曾經錄過這首歌，那時候我初為人父，到現在大兒子也成為人父，感覺很奇妙。我平時好少講自己家庭事，不過今次特別感觸，亦好想將呢份喜悅帶給大家。」

而ALBERT小兒子區昕進繼早前於電視慈善騷後再次與吳大強合作，表示已有黙契，會全力以赴為觀眾送上好歌。而演唱會更特設現場點唱環節，成功點唱的觀眾更可獲得ALBERT 親筆簽名絕版黑膠唱片，全場觀眾熱烈。

而ALBERT 世侄女樂壇新人范明熙（阿V）亦到場支持：「Uncle Albert 同 Uncle Bill 兩位都係好好嘅前輩歌手，經常教導我唱歌同口才，而且歌唱及舞台經驗都非常豐富，所以今次特意送花，支持番佢地之餘，希望可以向兩位偷師。」ALBERT 亦對世侄女阿V贊不絕口：「呢個世姪女唱歌非常好聽，而且謙虛受教，希望大家多多支持佢，俾多D機會新人。」而阿V亦表示接下來將推出首張個人單曲《隨便放閃》，正積極進行籌備工作，希望各位多多期待。