新城廣播節目主持T.MAX 29歲生日 馬浚偉在節目中途送驚喜秘密慶祝

新城知訊台節目主持T.MAX(海淦清) 今日(28日) 29歲生日，如常與林伽遙一齊主持今午的直播節目《得閒high tea》，直到節目尾聲，新城廣播首席營運總監馬浚偉與總經理(節目規劃及頻道運作)朱子昭突然殺入直播室，秘密為T.MAX慶祝，送上生日旦糕兼唱生日歌，令到T.MAX驚喜得大叫，感謝兩位高層馬浚偉先生及朱子昭先生送上神秘及溫暖。

T.MAX感動說：「非常驚喜，本來想低調度過生日，點知也被馬生（馬浚偉）發現，馬生仲為咗俾驚喜我，第一次在節目中唱生日歌，真係好感動，我會好努力做好節目報答馬生及新城。」正日生日雖然要在工作度過，T.MAX表示生日有開工是好幸福的事，除了如常主持直播節目《得閒high tea》外，T.MAX今日亦為泳兒 (Vincy)進行了另一個錄音訪問，宣傳泳兒新歌《撞到正》。

Vincy表示新歌《撞到正》講出人性醜陋一面，有時候人比鬼更可怕。她曾試過被以前的助手背著她向公司投訴篤背脊，指被泳兒半夜摷膠袋聲音嘈醒，Vincy說：「媽咪好鍾意把物件放在膠袋內，收到投訴後，我直接同這位助手說，以後有咩問題，可以直接跟我講。我比較喜歡率直坦白的人，亦不會接受唔到。」