《Katch the POP》音樂會 MIRROR x ERROR首度同台開唱 音樂舞蹈大激鬥 鄭秀妍Jessica加盟演出 組成一夜限定超級跳唱組合
由Katch主辦，VISA 及 港鐵公司冠名贊助《Katch the POP》音樂會，將於2024年6月8 日（星期六）假亞洲國際博覽館Arena舉行，屆時MIRROR的楊樂文Lokman、邱士縉Stanley、王智德Alton、陳瑞輝Frankie、邱傲然Tiger，以及ERROR的梁業Fatboy、何啟華Dee、郭嘉駿193及吳保錡Poki將首度攜手，上演一場集合音樂與舞蹈的大激鬥，韓國重量級表演歌手鄭秀妍Jessica，一同炸爆舞台。有關演唱會詳情如下：
VISA 及 港鐵公司冠名贊助《Katch the POP》音樂會
日期：2024年6月8日（星期六）
時間：晚上8時15分
地點：亞洲國際博覽館 Arena
演出單位：Lokman@MIRROR、Stanley@MIRROR、Alton@MIRROR、Frankie@MIRROR、Tiger@MIRROR、Fatboy@ERROR、Dee@ERROR、193@ERROR、Poki@ERROR
重量級表演歌手：鄭秀妍Jessica
門票將於3月4日（星期一）早上10時起於Katch音樂娛樂平台憑Katch Point兌換活動門票，更多詳情，請瀏覽Katch官方社交平台專頁：
Katch Facebook專頁 – https://www.facebook.com/katchhk
Katch Instagram專頁 – https://www.instagram.com/katchhk_/
全新系列《Katch the POP》音樂會每次均會邀請來自香港以及世界各地、令人意想不到的歌手單位同台演出，而首場演出，便由MIRROR及ERROR揭開序幕。MIRROR與ERROR眾成員同樣由選秀節目《全民造星》作起點，及後以不同風格，成功俘擄男女老幼的心，瘋靡全港，其中MIRROR早前在亞博ARENA舉辦16場演唱會大獲成功，成為全城熱捧盛事，今次重臨舊地，就遇上自命有實力又有顏值的ERROR！ERROR自《花姐ERROR遊》開始，《ERROR自救TV》、《ERROR自肥企画》、《ERROR自爆96小時》到《究竟讀緊乜》，憑著獨門搞笑秘方，在綜藝節目方面站穩陣腳，這次大膽挑戰，力邀五位MIRROR應戰，相信誓必掀起一場龍爭虎鬥！
首度合作開Show，自然令人引頸以待！為隆重其事，昨日9子現身MOKO新世紀廣場出席《Katch the POP》音樂會記者會，除了透露音樂會將採用雙台設計，讓兩隊成員分庭抗禮，並以音樂與勁舞，於舞台以Battle形式演出外，眾人在記者會上被問到心水比試項目，其中Lokman即挑機道：「我哋之前喺演唱會夾過Band，如果同ERROR一齊Jam下，唔知你哋點睇呢？」Dee聽到即表示：「我哋同404死腳膠嘅關係都幾好，可以邀請Titanic出山，唱下歌，到時我教你Scream，一堂就學會。」除音樂以外，當然少不了舞蹈環節，肥仔即表示要派出印象派「神級形體大師」193出戰，至於MIRROR就有「長輩派」Frankie應戰，兩大型男帥氣對戰，Frankie即霸氣出招，道：「我隨時都OK㗎！」193也不甘示弱，道：「我同Frankie喺《全民造星》係隊友，跳過舞。」Poki聽到都立即表示：「我撐你！」怎料193卻道：「我唔夠膽講。」反高潮的回應，弄得全場爆笑。
9位型男之中，近期在演唱會Show肌贏盡尖叫聲的Stanley當然眾望所歸成為MIRROR代表再次肩負肌肉擔當，至於ERROR則派出Fatboy，Dee解釋道：「有大表波，自然就有肥仔波！兩個人同台，一定殺你一個措手不及。」Stanley也用渴求的語調，問肥仔：「不如我同你跳〈Fever〉，但你著我件衫，我著Jeremy件衫。」肥仔知道可以著Stanley的外套，甚至唔著上身衫，他都大方表示OK呢！
除了9位美男子外，今次音樂會更邀請到韓國重量級表演歌手鄭秀妍Jessica參與演出，女神降臨，眾人絕對不會錯過自肥機會，9子更在記者會上即時想到自肥企畫，Lokman率先表示：「最近有玩菲林傻瓜機，或者帶佢去靚嘅Café打卡影啲靚相。」Dee即認同道：「我到時會帶佢到泰國餐廳，到時影啲相一定好靚。」鍾情電單車的Alton則道：「可以帶佢坐電單遊覽景色，但Sorry，電單車得兩個位⋯⋯不過呢個都係純粹硬件限制。」至於技癢的Tiger，就想跟Jessica一起跳拉丁舞，更道：「跳得拉丁舞，冇辦法，都要親密少少，要尊重個舞種，否則就冇嗰個激情喺度。」Frankie的自肥方式也十分貼身，他說：「我教佢廣東話，咁我所有場合都可以喺度。」Stanley也想到小小願望，道：「望住就夠了，我唔貪心，再唔係一齊去做Gym。」當每個人都想到自肥的心願，Poki就表示獨食難肥，然後更說：「我會帶佢去ViuTV 8樓行個圈，等同事可以影下相，再帶佢入金生房，傾下合作節目，公司又可以拍埋節目《突然探班》，拍完節目夜晚又可以跟我去跑會跑步，又健康又到Job，掂晒！」193就想帶Jessica到Café飲咖啡，更道：「嗰個係著名打卡景點。」至於肥仔則希望可以親自排舞，讓Jessica也可以跳出自己構思的舞步。眾人在分享過後，隨即在台上為《Katch the POP》音樂會進行啟動禮，並祝酒預祝音樂會演出成功。
想成為《Katch the POP》音樂會其中一位座上客？記得鎖定日子，3月4日準時搶飛！
