【型格專訪】Isaratti意大利服裝 X 金袍拳王 不一樣的光與影 一山藏二虎 跨界別的強者相偶

Kim Ip葉文龍先生,為國際搏擊品牌I-1拳賽嘅創辦人。處於疫情期間賽事舉辦雖然大受影響,但仍然不斷努力開展不同的工作領域,並投身歌唱演藝及導演製作等發展方向,近期更接獲著名服裝品牌的廣告代言工作。Kim Ip在逆境之下力爭上游,今日我們有幸請來這位充滿正能量的葉師傅和大家分享一下近況。


記:葉師傅你好,以我哋了解你今次嘅Isaratti呢個品牌,都已經創立左有成11年,佢係一個意大利的高級時裝品牌,見你就影咗好多靚相啦,張張都好型好正,咁呢次合作你覺得點吖?可以同我哋講講有冇咩體會吖?

葉:係最初同佢哋接洽嗰陣,我先知道佢哋係品牌創立的時候,就已經係想擠身入高級時裝品牌,所以係每一個細節佢都要搵業內的龍頭做假想敵,去挑戰呢啲目標 。就呢一方面首先我已經覺得同自己性格好似,一樣鍾意向更高嘅層次挑戰!

而且了解到Isaratti呢個高級服裝品牌,佢高級在係用料方面,好似呢啲綿質的衫佢地用嘅係「雙絲光棉」,是係指紗線經過絲光處理後織成布,再將布進行絲光處理,所以件衫除左彈性同爽身外,仲有一種閃閃下的效果,睇上去特別SHARP醒。

而要係呢啲雙絲光棉上做刺繡或者印花都會比較複雜同考技術,我哋細心欣賞就會見到佢地嘅製作工藝其實好優質。好似佢呢D繡花線嘅立體度非常之高,因為佢地用左來自日本一啲好粗嘅繡花線,所以你會見到佢地嘅繡花係閃令令,呢個就係日本繡花線嘅特色。

記:你講起呢樣嘢我都有啲研究,最初我就以為印度震線先係最靚,但其實印度震線係會氧化,時間耐左顏色係會冇咁鮮艷。

葉:係吖,Isaratti嘅用料講究在佢哋唔係話淨係用死一種料,而係個個設計用邊種物料靚就用邊種,所以佢地使用嘅物料來自意大利,法國,蘇格蘭,捷克,日本都有。好似佢地嘅水晶,就係用左來自捷克嘅Preciosa (寶仕奧莎),除左閃度非常高之外,佢地嘅品質穩定度比另一個大家都好熟悉嘅水晶品牌仲要高好多,而如果認識呢一個品牌嘅人就會知道Preciosa 就係以捷克水晶燈起家嘅品牌。

記:咁講其實佢哋係選材配料方面,真係有好專門咁研究過!但係頭先聽你提及過,同合作方嘅理念性格好接近,係咪因為呢個原因所以搵你做代言?

葉:其實本身Isaratti好多金色同黑色嘅衫,咁同我嘅金袍拳王形象好襯好Match,亦都係因為咁樣Isaratti 今次就搵我做代言人,我哋雙方就一拍即合!

記:都係吖,顏色其實都真係好夾人!睇嚟呢兩個顏色都好旺你,金色同黑色都係好經典嘅配搭,感覺都係好高貴同好有實力,搵你金袍拳王代言都真係襯到絕喎!呢兩隻色本身對男性都好有吸引力,我自己都好鍾意。

葉:係呀,我都好鍾意,而且佢地恤衫上嘅印花係用左高密度燙金,所以你會見到D印花係好有立體感。仲有你見佢哋甚至乎連一粒鈕,都係用緊同Burberry同一個生產商嘅扣同鈕,品質無疑係相當高。

記:咁就品質好着上身舒服,人都醒神啲!我見你着起佢哋啲衫同皮褸,真係型到絕吖!

葉:Isaratti 所有羊仔毛同茄士咩(羊絨)啲產品都是採用蘇格蘭的毛線製造,手感柔軟又保暖。另外佢哋用嘅所有皮革都係意大利進口,所以你見到皮革相當令身同柔軟,油份都好高。所以佢地嘅皮革西裝着上身都會好貼身,成個無間道嘅梁朝偉咁啊!


如果大家有留意到佢地的皮具,你會發現佢哋雖然冇用到真鱷魚皮,但佢哋的牛皮壓鱷魚紋係非常迫真,因為佢地連鱷骨位都可以做到出黎,真係可以亂真。啱晒啲想要鱷魚皮效果又唔想用鱷魚真品的人。

記:男人買衫都係追求質量,如果皮褸可以搵到見有型又舒服嘅,相對來講都抵買抵玩㗎!

葉:係吖啱吖,大家都明買名牌衫,大部份嘅錢都係投放左落佢地個品牌同埋廣告上,而Isaratti 我夠膽講你每一蚊,都有七毫子係擺咗喺衫嘅物料上,如果你係追求Money for Value, 呢個品牌絕對啱晒你!

呢個品牌係ISA入面一直都賣得好好,回頭率好高,因為佢地QC真係做得好好!如果你試過着佢哋嘅底褲,着喺男人最敏感嘅部位,你就會知道乜嘢係着過好嘢返唔到轉頭,因為真係好舒服好透氣!

記:真係好多謝葉師父今日同我哋嘅分享,連呢個咁貼身嘅體會都話俾我哋知,希望你嘅代言人工作可以發展得更加好,等時再同大家介紹多啲好嘢!

攝影: Hugh

浩楠

Stars-hk 創辦人, 希望建立一個只談專業, 不談八卦的娛樂資訊網站。