陳柏宇將軍澳快閃 為演唱會前最後一擊

陳柏宇（Jason）昨日於將軍澳一間Café進行快閃活動，獻唱了3首作品，包括〈霸氣情歌〉、〈後排慶功宴〉及〈沒有你，我甚麼都不是〉。其實月初Jason曾在工廠區進行快閃活動，不過很多Fans都表示因為是平日而錯過了，所以Jason這趟特意選在星期日黃昏進行，與大家輕鬆一下。

Jason指這樣的快閃機會不多，今次見見Fans之餘，也順道為即將舉行的《FWD 富衛保險呈獻：陳柏宇Fight For _ _ _ Live in Hong Kong Coliseum》練歌。提到演唱會，近日馬不停蹄為個唱宣傳的Jason表示即將閉關進行綵排，並笑言今次演唱會將會賣藝不賣身，道：「唔會騷肌了，今次將所有心機都放在音樂、鋪排同編曲上，用講故事嘅方式去呈現俾大家睇，不過都怕太花巧大家get唔到，更怕太直白而失去藝術感覺，所以要喺兩者之間平衡實在唔容易。」不過Jason坦言，有啲歌未必可以夾到演唱會嘅Rundown，但又想滿足粉絲，所以他透露：「喺Encore部份唱嘅都會係佢哋想聽嘅歌！」被問到可會有嘉賓，Jason表示兩場個唱都有嘉賓，但現階段要保持神秘感。

再次與紅館開唱，Jason表示都有很多朋友經他買飛，但他仍未全部告知同事，他解釋道：「太忙，都冇乜時間去搞，但已叫同時準備大概數量嘅座位俾我。囡囡啲同學嘅家長好好，都有上網買飛支持我，我自己會另外請N班嘅舊老師睇，因為Abi要返學，夾唔到時間返去探老師，所以就請睇演唱會啦！」