陳柏宇為12月紅館個唱熱身 工廠區快閃會歌迷:「錯過咗就紅館見喇!」

陳柏宇(Jason)為準備《FWD富衛保險呈獻:陳柏宇Fight For _ _ _ 田Live in Hong Kong Coliseum》12月10至11日一連兩場紅館個唱,日前特意揀選新歌《對得起自己》MV場景觀塘工業區舉行快閃,一口氣唱了《你瞞我瞞》、《親愛的仇人》、《斷絕來往》及《例遲》四首歌。Jason說:「好耐無咁近唱歌俾歌迷,今日個環境、成件事又令我好舒服,無咁大壓力,好好玩,錯過咗嘅Fans就紅館見喇!」

疫情下,不少公開活動、演唱會被全面煞停!有一段時間無近距離接觸歌迷的Jason與團隊溝通後,特別為四首舊歌重新編曲、配以結他及電子琴快閃演出,直言四首歌的新版本都是「今日限定」,紅館不會出現,更開心和意外快閃時有歌迷出現,Jason說:「快閃最好係可以有少少fans,今日有啦!好多謝Fans一睇到我出Post快閃,火速趕到現場支持,一切都好美好,縱使現場環境有時係有啲貨車倒車咇咇聲,但可以接受,大不了再嚟過。」

至於Jason一直坦言個唱要求有提詞機,令自己籍此可多望向觀眾交流,又避免太側重背歌詞產生壓力,而快閃時驚喜同事為他準備提詞,說:「開場前,同事俾好多信心我,準備咗紙歌詞,叫我盡記,唔得再嚟過,但歌詞要擺開少少,唔記得至睇,好一人一步我擺後少少,好多謝。」不過搞笑歸搞笑,Jason透露自己都有為演唱會落力背歌詞中!

《FWD 富衛保險呈獻:陳柏宇Fight For _ _ _ Live in Hong Kong Coliseum》現已於城市售票網公開發售,詳情如下:
日期:2021年12月10日及11日(星期五及六)
時間:晚上8時15分
地點:紅磡香港體育館
票價:$780 / $580 / $380
**城市售票網網址:http://www.urbtix.hk

浩楠

Stars-hk 創辦人, 希望建立一個只談專業, 不談八卦的娛樂資訊網站。