葉巧琳 (Mischa) X 張進翹 (Manson) 全新合唱歌〈心獸 (怪物Version)〉火熱推出

Sony Music唱創女歌手葉巧琳（Mischa）去年參民選秀節目《造星III》後，不單讓更多觀眾見證其實力，她還因此結交一大班好友，她早前邀請了其中一位隊友張進翹（Manson）合作，一起合唱新歌〈心獸（怪物Version）〉，新作已火熱推出，備受樂迷關注！

今次新歌與 Mischa 的前作〈怪物（心獸Version）〉似有關聯，主要是歌名中的文字次序調亂了，令很多人都誤以為是Remix版，那就真的誤會大了！實情是 Mischa 早就想做一快一慢兩個版本，所以根本是貫穿概念、但兩首不同風格的作品。

Mischa親自解構新歌：「今次呢首歌叫做〈心獸（怪物Version）〉，其實回應返〈怪物（心獸Version）〉，之前嘅版本係講內心，大家對怪物嘅印象可能覺得好核突，但其實我哋係講緊內心嗰隻心獸。喺今次新歌中，我哋真係去攞呢隻心獸出嚟，即係 Manson，佢用咗好多唔同方法嘅演繹。」獲邀合作的 Manson 感到榮幸，故十分珍惜今次的演唱機會，他說：「喺裡面 vocal 上係飾演 Mischa 嘅心獸，我同監製 Edward 做好多 vocal 上嘅嘗試，好感謝監製俾自由度我發揮同錄，所以都好享受今次嘅錄音過程。」

在眾隊友中，為何會 Mischa 會慧眼選中 Manson 呢？「一來我覺得我同佢把聲會夾，二來我睇到佢係一個好識做戲嘅人，我覺得會帶俾我呢首歌好多戲劇嘅效果。」今次 Mischa 有新作，幫手的朋友不只 Manson 一個，還有她的好友、曾與金培達一同憑電影《七月與安生》獲金像獎最佳原創電影音樂的波多野裕介 (Yusuke Hatano) 出力，Mischa透露：「其實波多野裕介去編曲時，佢已經諗住係電影歌曲咁去編，所以我覺得成件事係好配合，加咗 Manson 落去係最好嘅一個選擇。」

難得《造星III》Team A有成員合體推出新歌，大班樂迷當然關注，而新歌推出不久，已獲熱烈反應，而一班粉絲最希望的，當然是 Mischa 及 Manson 可以合體現身，親身演繹新歌，讓粉絲飽耳福！Mischa 將於下月18日舉行入行9年來首個個人演唱會《FTLife富通保險呈獻：葉巧琳 Mischa Ip 2021 音樂會》，有可能是最佳時機！她近日除了忙於開會及練習演出外，更忙於為一班《造星III》之友撲飛，她說：「之前收到唔少親戚朋友嘅order，後來仲加埋一班《造星III》嘅戰友，多謝大家支持，除咗落力練習同演出，都唔知有無可以報答大家，哈哈！好多人問我嘉賓請邊個，俾我賣個關子先……」屆時「雙M」到底會否同台，敬請拭目以待。

Mischa 及 Manson兩人有份演出的百老匯音樂劇《攣攣成人禮．Falsettoland》今晚 (10日) 亦會假葵青劇院演藝廳正式開鑼公映！

Mischa入行 9 年以來首個個人演唱會

《FTLife富通保險呈獻：葉巧琳 Mischa Ip 2021 音樂會》

日期：2021年9月18日（星期六）

時間：晚上8時

地點：海洋公園怡慶坊

票價：$480 / $380

購票熱線：2111 5333 | 網上購票：www.cityline.com

門票於8月9日（星期一）早上10時起於Cityline公開發售