何展睿精品店開業，巧遇「羅蘭姐」到場支持

唱作歌手何展睿(Steve)早前為支持太太飾品店成功開業而充當一日店長，出錢又出力。而今次自己卻於市集開業，他笑言：「因為之前到太太飾品店幫手，佢怕我悶，比咗啲空間我擺精品，點知反應熱烈，令我萌生創業念頭。加上覺得市集形式唔錯，租金、時間、地點好彈性，好適合我呢種有正職既人！」

Steve音樂創作上一向親力自為，精品店開業一樣做足準備功夫：「我自己最重視產品擺位，因為客人第一印象好重要，所以每次開檔都至少用半個鐘擺產品，希望可以變成一個小型展覽。另外，精品店雖然係小本經營，但收支平衡好重要。除咗賣自己珍藏外，仲會網上訂購最新精品空運到港，所以一定要計好盤數。而產品方面要多元化，主要行實用路線，倒如：文具、杯碟、毛巾等。」

此外，Steve講到擺檔期間巧遇大名鼎鼎資深藝人「羅蘭姐」表示是一種緣份：「見到羅蘭姐好開心，最重要係見到佢老而彌堅。自己除咗自我介紹，頌分享精品店同太太飾品店開業、以及早前抗逆歌《逆光》創作心得！佢就分享拍攝既新劇即將上映，得到佢既祝福鼓勵係好有力量！」

而開業差不多一個月Steve表示發生不少難忘事：「好驚愕顧客年齡層好廣，由十歲到七十歲不等。有一個女客人抽獎前自嘲自己無抽獎運，但最後抽到大獎，興奮到問現場朋友同打電話比老公。另外，有一個新客人成為自己粉絲，更即席係現場畫咗幅畫送比我，我好感動，所以將佢既作品印出嚟成為我精品店生招牌！」

最後，Steve表示暑假將至，工作十分忙碌，但希望能夠繼續三線發展：「因為即將推出新歌係完全跟之前風格唔同，一首搖滾新歌，自己好重視，所以近期努力做運動、練習樂器，希望係下個月拍攝MV可以用最好狀態示人；而音樂學校都係忙於緊暑期課程同線上Live Show。其實只要事事勇敢嘗試、妥善分配時間，一定可以繼續三線發展！」