今日倪辰Lala食佢最後一餐嘅魔鬼午餐，好鍾意食菇嘅佢今日去咗翡翠拉麵小籠包食呢期好出名嘅松茸小籠包。其實今日真係叫左好多嘢食，包括期間限定《尋菇記》松茸篇，好似話之後兩個月仲會有其他菇類既限定食品會出。食完呢一餐魔鬼午餐之後就要即刻去做gym排舞練結他啦，準備演唱會嘅最後衝刺喇。
問到倪辰平時既餐單時，佢就話聽日就要開始食沙律食生果啦。演唱會最後倒數個半月，聽講Lala親自揀左幾首歌話要挑戰李壁琦喎！李壁琦仲話放馬過黎添！睇黎今次battle會好激烈呀！
另外，倪辰既吉他老師仲話倪辰好積極，追佢拎吉他譜添。相信大家都會好期待睇到Lala彈吉他呀。
