早排倪辰Lala去左上水廣場出席商場活動，今次一連唱左八首歌，對佢嚟講好似係嚟緊7月23號嘅個人演唱會做預演咁，喺社交平台都見到佢坐車途中都不忘開聲練歌。雖然近期都有持續喺網上開live唱歌，但倪辰話現場唱歌最開心係可以同粉絲近距離接觸，聽到大家跟住唱。事後倪辰亦收到好多粉絲喺當日商場活動所拍嘅演唱片段，更有現場路過嘅人聽到佢唱歌後主動message支持佢，令佢更加期待之後嘅演唱會！
下星期進入演唱會最後倒數一個月，倪辰話每日嘅行程就係練結他、做gym、排舞 ，壓力好大但係會全力以赴，到時觀眾睇得開心就咩都值。
門票即將公開發售，買飛既粉絲記得留意喇！
