何展睿㩦家人學生新春送暖

創作歌手何展睿(Steve)為實踐抗疫創作《逆光》精神，推出「逆光寶盒」作慈善義賣，善款全數不扣除成本撥捐動物團體。受疫情影響，原定到老人院、學校進行巡唱也被迫取消，取而代之是「逆光送暖加油站」：於各區派發防疫包。Steve與太太更親自為老人選購營養食品、包裝及搬運「寶盒」到老人院，可謂親力親為。

而開辦音樂中心的他，希望推動「為社會送暖」的精神，與學生一同灌錄《逆光》最新版本、更於新春期間舉行首次網上直播音樂會。講到音樂會，Steve感到興奮：「因為希望佢哋可以學以置用，但受疫情影響已經成年無表演，今年得閒就破天荒編制新年串燒歌，希望佢哋新年無咁悶，畢竟疫情都令整個香港新年氣氛大減！」

此外，Steve在音樂會上分享難忘新年經歷也是赴內地探親：「小時記得要長途跋涉先可以翻到家鄉，路途雖遠，但聽到炮仗聲、逗利是、親戚又會帶我去買禮物，非常開心。長大後跟親戚見面傾計已經好滿足。最難忘就係有次見到婆婆屋企唔夠乾淨，就即興去買地拖、清潔劑幫佢屋企嚟過大翻新，雖然好辛苦，但打掃後好有成功感同滿足感！」

音樂會雖然順利完成，但當中亦面對挑戰與突發事情：「第一次同學生網上表演，唔想純綷拉古典音樂，加上係新年期間進行，所以用左幾個鐘時間編好一首串燒歌。原本唸住係網上會有得參考，點知搵唔到樂譜，最後自己用咗幾個鐘一邊聽音樂一邊搵翻音符出嚟！」。另外，他亦大讚學生表現淡定：「當日表演期間，中心電力突然出現問題，場地燈光閃下閃下，但學生處變不驚，非常淡定繼續演奏，我哋個陣演奏新年歌《財神到》，我同大家講笑財神真係到咗！最後見佢哋咁叻，每人派咗封利是同禮物包，好開心既一個新年表演！」