香香高Ling奪目滑冰LOOK 聖誕節齊齊要開工

海洋公園今年舉辦「聖誕全城HO HO HO」由12月12日正式展開，公園邀請了世界級團隊獻上「萬花筒冰上匯演」。匯演最特別是由奧運前選手Willy Bietak監製、屢獲國際獎項的舞蹈設計師Sarah Kawahara負責舞蹈編排、世界級滑冰高手施展集舞蹈、凌空花式和特技於一身的演出，使遊人具豐富視覺享受。昨日岑麗香、高海寧以嘉賓身份一身奪目滑冰LOOK亮相，更一同分享近況。

文:藍海
攝:CHRIS

香香說，下年結婚報道不是真。男友冇求婚，大家都冇得見！男友視像求婚?太求其，雖然今時今日科技好先進，但我仲是Old School感覺！對於幾時結婚?香香謂，要祈禱都未去到呢步，唔好畀咁大壓力我哋。打算一步一步來，希望將來婚後留在香港工作。問到男友有否看到有關報道，香香笑說，SEND了比佢，佢話放心，我塊面肥過你！聖誕節會怎樣過？香香要工作，希望能一班人食聖誕大餐，未決定送什麼禮物比男友。

之後，香香仲即場在各記者面前Sell高Ling，香香說，高Ling外表雖然非常性感，但係佢非常乖女，追佢嘅一定要係好男仔！

高Ling說，有見過香香男友Joshua，仲佢哋好sweet架！聖誕節會怎樣過？要工作中過。她說，海洋公園推出聖誕禮物劵十分方便，只要在海洋公園網站訂購，同時附送心意卡，公園更會安排速到親遞朋好友的手上。