Tiffany 唔做經理人做太陽能 捧型男老闆勁過藝人

做經理人十多年的Tiffany, 最近成功轉型做太陽能, 加盟了香港數一數二的再生能源公司擔任企業傳訊經理; Tiffany之前從事廣告多年, 在娛圈及公關活動亦十分活躍, 雖然已轉行但經理人形象深入民心, 日前公司活動上同老闆一齊現身, 有人即上前問這型男是你新帶的藝人嗎？

Tiffany 說：「 其實我巳轉行做太陽能, 型男係我老闆馬偉籇Stephen, 喺業界出名夠專業, 我當佢藝人咁做, 佢正正係太陽能代表, 使乜搵其他人做代言人？認識老闆正因為當年主辦鄧健泓Patrick演唱會, 原來佢做再生能源都十幾年, 我一向對環保同慈善好有興趣, 所以一拍即合; 除咗Patrick, 佢之前亦舉辦好多演唱會, 例如張繼聰、阿Bob、 劉浩龍 、盧冠廷等等…佢請我幫手係睇重我面皮夠厚, 想做同一般對手唔同嘅策略宣傳。我一向做事主動, 除咗設計、剪片一手包辦, 好有滿足感! 最近仲促成咗公司同「WWF世界自然基金會」 嘅合作, 公司投資嘅太陽能項目所收到嘅「上網電價」 會捐助部分收益 ， 一齊推動香港可再生能源發展 。另外我正創作同正能量有關嘅項目，不過疫情關係冇機會同導演及音樂人詳談…希望疫情快d完結可以啟動 !」