拍裸體造型照惹尖叫聲 葉文龍拳王Body歸位

日前藝人葉文龍接拍模特兒工作照,當中造型不乏裸體同性感嘅姿勢,撘配fit爆復當年勇嘅拳王身材,令到拍攝現埸一度升溫,在場女工作人員尖叫不停。

當日攝影師以拳擊運動為拍攝主題,希望帶岀運動員的肌肉感同美態。葉文龍接了工作後立即進入戒備狀態,嚴格控制飲食,積極配合運動同健身,喺21日時間裡面成功增肌減磅營造fit爆身型。

葉文龍當日亦無私向記者分享減磅心得,佢表示最重要係計算好每日攝取蛋白質嘅含量,以佢為例約需要80克一日,每一日要食15隻蛋白同大量雞胸。而臨近影相嘅前幾日,亦要斷絕過多水份吸收,令到身型會乾啲,影相出嚟線條會明顯啲。

睇得岀葉文龍敬業樂業,工作態度認真,難怪嗰日拍攝期間,每當葉文龍擺上性感pose,在場嘅女工作人員都尖叫歡呼!

Photo credit: Irene Fung

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。