UTO財經|菲嚟開股 | 驍騰原:會留意的星馬新股 MBV 1957

UTO財經|菲嚟開股 | 驍騰原:會留意的星馬新股 MBV 1957

今次就同大家講講新股，新股市場最近都唔使多講，喺大市氣氛充滿懷疑感覺嘅時候， 最近嘅新股，的而且確反應相當好。呢期有一隻新股，都幾吸引到我眼球，都係一隻幾典型的細市值ＩＰＯ，而且上市後應該有唔錯升幅的股票，同大家分析一下。但當然，記得，它始終都係未完成招股，最終一定要睇埋招股結果，先可以下定論。

呢隻股票就係 MBV International（01957.hk）。首先，對我個人而言，一樣非常有醒神的東西，就是它是是來自馬來西亞，和新加坡的公司。過往，對於新加坡和馬來西亞的公司，我都係非常之有好感，因為往往過去賺過錢嘅公司，升好多倍的，好多都係新加坡和馬來西亞，當中更有十倍獲利嘅股票。而呢間MBV International，係從事採購、批發、供應及營銷可印花服裝及禮品產品。這一些是比較輕資產的行業，本身如果行業比較傳統，其實對炒股票反而有利，有留意我買股票嘅方法應該知道原因，不知道的話留言問我。

除咗地區同埋行業之外，公司嘅集資額少，亦都係一個幾好去炒股票的原因。今次嘅集資額大概係1.3至1.4億港紙，對於主板公司嚟講，一定係非常少，而上市費用亦差不多用咗接近四成，如果唔炒股票，其實都好難值得進行上市的計劃。而且，預計的上市市值大概只有五億，亦係非常細嘅size。細細隻，就自然容易炒，所以感覺上成個佈局，都需要在上市之後大炒一番才合理。

這一次的ＩＰＯ，包銷商數量非常多，包括電訊濎滙資本，首盛資本集團，駿達證券，貝德斯證券，一盈證券，寶新證券，擎天證券，高鉦證券，藍山證券。這些包銷商陣容，過往嘅股票成績也不錯。

但最後也要一提，也一定要留意招股的結果。如果股票沒什麼散在街貨，那這隻股票就非常吸引。而如果新股反應非常熱烈，有心人士就應該要用一段時間，才可以收返啲貨，炒作就未必會在短期內開始，這個大家要注意。好，今日講住咁多。

驍騰原(Hilton Yuen，袁曉桐) 
– 中文大學物理學碩士
– 曾獲邀於中文大學及城市大學演講貨幣金融相關講座
– 近年創辦貿易公司, 出口十多個國家, 香港零售寄賣點50多個
– 2年內成功買賣的倍升股超過15隻, 最高升幅達10倍以上
– “謎米”財經節目“倍升密碼”主持
– “面包台”財經節目“倍升脈搏”主持
– “香港電台”財經節目“經濟識堂”嘉賓及嘉賓主持
– 財經雜誌“炒股幫”專欄作家
– 圓智匯賢客席講師

(以上屬個人意見，絕不構成投資勸誘或買賣建議。)

免責聲明：上述觀點只代表作者本人或作者公司意見，與UTO財經的立場無關。

圖片來源:網絡