阮兆祥推出「盧EYE SEE‧一D都唔好笑」帶歡樂給香港人


出名勤力的阮兆祥,近日搞笑作品更是浪接浪,昨晚推出「盧EYE SEE‧一D都唔好笑」系列,大玩平日私下最擅長的食字爛GAG;其中一個GAG更以早前的撲口罩熱為主題,笑指「花草樹菜」四樣東西,以菜的撲口罩能力最高,到底點解?答案還是留待大家上網睇片自行揭曉。 對於祥仔大玩爛GAG,網民似乎亦相當受落並留言:「笑到噴飯」、「我想幫你剪頭髮呀。」更有網民感激祥仔如此有心:「祥仔好nice,多謝你帶比(畀)香港人快樂。」

祥仔疫情期間依然絞盡腦汁為港人發放正能量,早前扮演的「抗翼大師」李雞鳴及「髮力無邊」的渡邊直不美成功為網民帶來不少歡樂。

問到祥仔為何近日落足火力「娛賓」,他笑言:「冇呀,啲人成日話個人開心啲,病痛都少啲。咁我平時都好鍾意講爛GAG氹人開心嘅,我又知大家呢排好少出街上網多,所以就決定拍多啲搞笑片放上網,希望分享多啲正能量畀大家,一齊以笑聲抗疫。」

祥仔又謂十分感激創作團隊過去數個月來為他絞盡腦汁度造型:「呢排真係過足扮嘢癮,最開心係啲造型大家都好受落。其實嚟緊我都希望可以再拍多啲搞笑嘅扮嘢片,如果大家仲有咩想我扮嘅,都好歡迎去我個YOUTUBE CHANNEL度留言,我會盡力滿足大家嘅要求嘅。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。