[新歌推介] 陳涵林推出新歌《當我變成我們》

商界女強人Laura Lee的「涵耀星際」首炮力捧18歲美籍華裔女新人陳涵林Karen,早前專程由美國飛來香港拍攝第二首個人國語新歌《當我變成我們》MV,老闆Laura親自出馬邀請好朋友姜大衛的愛子姜卓文(細John)擔任MV男主角,師姐張可頤更以「涵耀星際」製作部行政總裁身份擔任MV製作總監。



拍攝當天由早上7時開工拍到晚上凌晨,姜卓文一直陪著陳涵林拍足17個鐘,當晚更遇上冷鋒,氣溫驟降只得攝氏10度,兩人還要穿上單薄的夏天短袖、短裙校服在清水灣郊區一間學校取景,但兩人捱足17小時依然精神十足,沒有呻過半句辛苦或露出疲態,而且愈演愈好,大家都讚兩人好有潛質做演員又夠專業。

第一次拍MV陳涵林好開心覺得好好玩:「可以演戲,最開心在冒險樂園,有遊戲機玩。」而第一次擔任MV男主角的姜卓文也表示好好玩:「學到好多嘢,最開心到學校取景,睇到學生在操場打籃球,好有童年回憶,諗起中學時想識女仔,但又好尷尬。」

拍足17個鐘,陳涵林覺得最困難天氣很冷卻要扮夏天,姜卓文則笑言:「最辛苦冇得食嘢,我好鍾意食嘢,哈哈!」《當我變成我們》MV兩人飾演倆小無猜的中學生,首次合作相當投緣,姜卓文讚陳涵林:「Karen好叻女,好似玩樂器咁,初初見佢完全唔識,但教佢玩一陣,就見佢愈玩愈叻,要演兩小無猜,開頭有啲尷尬,但佢好叻好快投入,好開心認識咁叻歌手。」陳涵林對姜卓文印象也很好,連聲讚他:「好親切,又肯幫人,照顧我,又教我彈結他,係一個好好男仔。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。