B.Gs兩隊員Toffee Riley有古靈精怪參加世界各項比賽

唐菲Toffee 和霍柔心Riley 受到大會邀請遠赴澳洲-墨爾本岀席國際大話骰比賽作明星參賽者，第一次知道原來玩大話骰有甘多規矩同技巧，比賽氣氛好熱烈，現場有好多知名人士參加，大家都全神貫注！
當然佢地係只作參與，但都係一個好好的經驗。

其實呢兩個女仔既興趣都比較特別，都中意參加啲比較少人認知既比賽，例如佢地曾經參加過國際包剪揼比賽和國際發呆比賽等，雖然都拎唔到獎，但佢哋都話見識左好多啊！

另外，佢地今次仲去左喺墨爾本好出名嘅Falls Creek，兩個都係第一次滑雪，不過導師就話佢地兩個嘅程度就差天共地，唐菲運動底子比較好，由初學到滑到S形都只係跌過一次，仲要即刻跌低就即刻識得爬起身，唔洗人扶，導師都話佢學得好快，好快上手。

但唐菲身邊既霍柔心就係一個完美既豬隊友，雖然霍柔心好俾心機學習，但係就不斷跌低，跌到個導師都唔想扶佢。仲話有一次心心仲從後而上撞落菲菲度，之後兩個一齊碌到落山腳，完美落地，慘變雪人，笑言似滾雪球甘碌落山。

心心即刻話呢次都唔算跌得金啦，有一次仲大字型向前跌左落地下，完美既下巴直插入雪地，好彩無毀容炸，嚇友！

不過初體驗之後，佢哋兩個都覺得好好玩，仲話下次再一齊去玩添！之後佢地就番酒店望住個雪山浸溫泉，一凍一熱嘅感覺真係好正啊，兩姊妹仲可以嘆住温泉傾心事，促進感情添！