【UTO娛樂|金像獎】繼續更新: 劉頌鵬做金像獎主持 行紅地氈瞓吾著
【UTO娛樂|金像獎】繼續更新: 劉頌鵬做金像獎主持 行紅地氈瞓吾著。
演員劉頌鵬Enson好開心獲第38屆金像獎頒獎禮主辦單位邀請出席，並有幸成為今年MC32其中一位。
今次Enson在金像獎參與兩個表演，包括2隻opening 舞。覺得意義重大，特別係一齊跳”疾風”，寓意所有新人都向著電影目標去衝，再感謝金像獎邀請！還記得第一次收主辦方通知嘅電話，真係無法相信自己有此機會，當晚都瞓吾著，第二朝起身都以為係發夢。
經過綵排1個月，終於順利演出，十分開心。Enson今次除左近距離參與金像獎頒獎禮，超近距離睇星之餘，最驚喜要數係行紅地氈，呢幕係自己做演員咁耐以來一直幻想夢想嘅畫面，今次竟然自己有得行？真係一路行，一路興奮一路震。32位新人還有逐一介紹自己嘅機會，深深感動。Enson：激動㗎，係對自己演藝工作嘅一個肯定，亦係一個開始。
Enson笑言：阿媽話，有親友打電話嚟問，咦，金像獎頒獎禮見到你個仔鵬鵬喎，點解嘅？做咗dancer咩？我阿媽今次好自豪神回，我個仔鵬鵬係拍電影演員嚟㗎，金像獎盛事，我個仔當然要出力啦，佢同32個新人打頭陣表演，香港電影人十分勁，演得唱得跳得好平常吖，無需驚訝打嚟問呢啲碎料嘅。
Enson看到最佳男主角黃秋生，最佳女主角曾美慧孜，最佳女配角惠英紅和最佳男配角袁富華等前輩獲獎，自己都十分感動，直言要加倍努力，以前輩為目標榜樣，希望香港電影能夠繼續輝煌，將來會繼續努力！承傳香港電影！
#劉頌鵬 #金像獎 #紅地氈 #UTO娛樂
