雨僑孖老公羅力威粉絲一齊聚會

雨僑(Ava)自去年同老公羅力威拉埋天窗之後,除了展開了攤分成年的度蜜月外,就一直各有各忙!不過近日就難得兩公婆一齊同粉絲聚會,原本二人每年都分別至少同粉絲有一次gathering ,結婚後兩人的Fans Club 決定愛屋及烏,今年一齊慶祝bbq。
兩人fans club 決定一同舉辦聚會,原來除了兩人結了婚,還因為他們也是09年同期出道的新人,雨僑表示:「能夠有今次嘅聚會好感恩,難得係能夠和另一伴有咁多巧合,我們同期出道,兩邊fans club 成立時間又差唔多,大家都一同成長!其實我地兩邊嘅歌迷會幹事都好熟,婚宴都有請佢地一齊坐,好似家人一樣!」
活動中,fans 準備了蛋糕之外,還送上用兩人結婚相製作了日曆、十年紀念特刊之外,最令雨僑深刻的是:「日曆同特刊都好靚,可能係我啲粉絲大多係電腦高手,所以咁勁!而老公有好多媽媽級嘅粉絲,佢哋送了一些初生嬰兒衫俾我,話係好意頭,希望我今年可以生番個金豬BB;同埋平時佢地會煲湯俾老公飲,我就可以順手有得飲,好多謝佢地!」而作為老公的羅力威收到粉絲「order」,他說:「看到有些粉絲現在成家立室,重帶埋小朋友一齊來聚會,真係好開心,見到佢地嘅小朋友,加上佢地嘅祝福,我都會加油的!」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。