【UTO電影】男女主角 劉頌鵬 陳貝怡：無拍錯青春戰記2來得及再愛你

【UTO電影】青春戰記2來得及再愛你優先首映場日前於灣仔藝術中心舉行，導演賀峰，男主角劉頌鵬Enson和女主角陳貝怡Natalie，以及一眾演員鄭恕峰，曾健明，鄧宇釗，陳澄騫和陳華齊齊出席活動，電影係平和基金資助拍攝，宣傳戒賭精神。

三人兩年第二度合作，賀導指出睇中兩人清新謙虛，潛質優厚，可以為未來影壇補充新血。

Natalie坦言雖然第二度做電影女主角，但今次係劇情片，雖有大量發揮機會，但因此壓力大，首映前一直好緊張擔心無人入場睇，做好哂心理準備，一個觀眾都會感恩，直到見到過百觀眾入場坐滿戲院，真係好感動，身為澳門人，大學修讀博彩業嘅Natalie身邊有好朋友曾經為賭博而險些輕生，所以電影完場後，謝票時爆喊，大呼無拍錯呢套戲，再來一次都會無悔再拍多次，宣傳戒賭意義。

Enson雖然第二次做男主角，但一向都當自己係演員仔，曾坦言比同期出道嘅演員發展慢，有時同親戚朋友聚會，講到自己係演員時，曾比人笑過係跑龍套，但一直無放棄過，今日感到有點成績，好多朋友都短信致賀和支持，終於刷到少少成就感。