翔揸劉灘落區拍MV 率六靚女跳餐飽

由彭浩翔、鄒凱光和劉翁三位大導組合而成的《翔揸劉灘 之 潮潮的吹》棟篤笑talk騷，繼十月開騷後叫好叫座，明年一月載譽重演，日前三位導演更親自落區，去到銅鑼灣、旺角、尖沙咀與六位靚女拍MV，嗌住《翔揸劉灘》最新口號：彈高你！三位導演率領六位泡泡星女孩麥紫莉（Chili）、何洛沂（Ashley）、張若錡（Angus）、張家酩（Jay）、詹可琳（Kimmi）和湯沛宜（Toto）日前去到香港三大旺區，帶埋廣告牌和彈床，齊齊彈高你！
原來《彈高你》是三位導演為《翔揸劉攤》主題曲想出來的新概念，要邊跳邊嗌出不滿的人或事，拍攝期間邀請到不少市民齊齊跳、齊齊嗌，而六位泡泡星女孩當然跳到唔捨得停。
當中Ashley跳得最落力：「拍MV前兩日做密運動，本身雙腳已經好酸痛，初時都跳得唔係咁好，後來見到三位導演都跳得咁投入，可能俾佢哋感染咗！原來喺鬧市跳彈床係好開心架！好多謝三位導演諗到呢條橋，佢哋度嘅橋真係好正，好希望以後仲有機會參加到！」
同樣有份跳的Chili表示跳到駝背：「其實我好enjoy跳彈床架，不過我身型問題，胸前嘅重量令我個身每跳一下都會向前墜，拍完MV嗰晚覺得自己變咗駝背！」