眾藝人出席食品店開張 醒獅封路

陸家俊、寶珮如、李思欣、范振鋒和陳國峰等,日前去到紅磡出席聯興記新店開幕,現場拜神切燒豬及醒獅時,吸引大量市民圍觀,導致封鎖了整條馬路引來警察到場維持秩序。
陸家俊談及個人體重高峰時曾達220磅,現正積極減肥,近兩個月更減去50磅,佢話:「o依家170磅,除咗飲食做運動,有營養師指導,自己希望目標減到150磅,身邊朋友都稱呼我係減肥達人,其實減肥好容易,最緊要睇自己嘅決心,希望自能夠回復以前嘅樣貌同有番輪廓。」
陸家俊早前為電視台錄影節目,已經16年冇上台唱過歌,雖然已闊別舞台咁耐,但就唔會失去信心,因為自己跟戴思聰出身,而且自己一直都係做音樂,明年會考慮出兩隻新歌,試咗水溫再考慮開騷。
寶珮如最近右眼3次生眼瘡,日前動手術放膿,寶珮如話:「唔知係咪年紀大,開始鍾意食好甜嘅朱古力,不過醫生話甜食引致生瘡,所以要節制吓。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。