為見偶像一面 何洛沂睇恐怖片

藝人何洛沂(Ashley)日前獲電影公司邀請出席《人面魚 紅衣小女孩外傳》首映禮,帶病上陣的Ashley從小到大都不敢看恐怖片,今次現身原來是為見偶像徐若瑄一面,「嚟呢個首映禮我掙扎咗好耐,一方面我好想見吓偶像徐若瑄,但另一方面我勁驚睇恐怖片,不過為咗偶像唯有括出去。」
看戲期間,Ashley多次被嚇得尖叫出來,不過最令她印象深刻,原來是戲中小主角的演技,和意想不到的結局,雖然這部戲未有令Ashley改變對恐怖片的睇法,但Ashley沒有後悔冒死看戲。
Ashley上月尾獨自到北京旅遊,對鬼神極敏感的她要面對一個人住一間酒店房,Ashley表示要將房間所有燈都開著,而且在床上看手機看到累才能入睡,「我真係好驚,但係我又搵唔到人陪我去,唯有硬住頭皮,睇電話睇到雙眼好攰咁瞓,好彩呢次旅行都好順利,無見到唔應該見嘅嘢!」
Ashley難得到北京,當然要到北京戲劇學院打卡,「雖然我未夠資格入去讀書,但係我入去參觀完,已經好感受到嗰種文化氣息,好希望有一日可以喺呢度學戲,我相信會對我嘅事業有好大幫助!」Ashley亦特意抽空參觀故宮,她認為,能夠參觀國家領導人的家,是一件光榮的事。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。