念舊慳妹顏卓靈 水樽用足十幾年

顏卓靈今日下晝喺朗豪方商場出席一個環保活動時,被大會主持港台DJ白原顥(小白)問及平時會唔會自備水樽出街,顏卓靈即場喺坐位攞番個自己個水樽。佢話:「呢個水樽我用左好多年,個樽蓋之前爛左,我就配另一樽蓋俾佢,所以個水樽同樽蓋係唔同顏色嘅,我覺得因為爛左個樽蓋而要掉左個水樽,好嘥同唔環保!」另外,佢亦同小白分享護膚秘訣,就係多飲暖水,帶水樽就可以隨時飲到暖水;顏卓靈又話自己出街要帶好多水,有成1至1.5公升。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。