細細粒國內拍攝有口福 鯨吞杭州美食

陳嘉佳（細細粒）之前憑以韓紅LOOK於十秒內KO兩公升水令內地觀眾眼前一亮，最近她再下一城，於內地綜藝節目《嗨！藍朋友》特別企劃系列《演員的誕生》中再晒鯨吞絕技，為了讓所屬隊伍於「美食接對白」遊戲中勝出，細細粒不但一口氣記下並背誦了又複雜又難記又繞口的台詞，更於半分鐘內KO五人份麵量，嚇窒主持及在場其他所有內地演員。
雖然是節目中唯一一位香港代表，但細細粒卻完全未有因此失色，除了大晒母語上海話外，又在「晒演技」講大話環節，她更與電話另一邊的王祖藍，以極佳默契成功瞞騙敵隊過關，再度令現場所有人眼前一亮。

細細粒事後笑言是次拍攝行程雖然很緊密，但卻很開心能在杭州大啖美食：「我最鍾意食當地嘅串燒，嗰日做完嘢鬼咁肚餓，我就係咁易嗌咗啲嚟食，結果畀工作人員鬧爆，話我叫太多。我依家諗番當時食物送到嚟嘅畫面，又真係幾誇張嘅，但係我真係食得晒架；當然小朋友冇經過特別訓練就唔好學我啦！而且我係嗌埋畀工作人員，我覺得大家一齊辛苦咗咁耐，請佢哋食飯慰勞番佢哋係最基本。」