陽光普照許嘉浩紅粉菲菲出海

形象指導兼藝人許嘉浩(Karl Hui)趁陽光普照,天公造美頻頻約埋一班Friend密密出海開Party。今次以「紅粉佳人」Pink Look上陣的Karl在陽光下顯得特別紅粉菲菲! 暑假正藉出海船P旺季,原來Karl早喺讀中學時期已經開始成日做搞手,集齊一班同學仔出海開船P。仲有試過聯合暑假番黎嘅英國留學生朋友仔一齊出海,最誇張係集齊香港同海外學生十二連船船P,成五百人齊齊出海玩,喺海上船過船咁跳黎跳去玩,船家都話好壯觀。

每次出海都「守身如玉」嘅Karl被問到點解唔著泳褲show下Fit爆身材? Karl話:「我出海都唔係成日落水玩,應該等D肌肉男或者胸濤胸湧嘅女仔Show出黎。而且我係好enjoy海上面觀望四周好靚好平靜嘅海景,同朋友飲杯野傾下計果種。」平時幫人做開形象指導嘅Karl特別貪靚,出海Party之前都會網購好多水上用品、吹氣公仔佈置出海船P現場同朋友仔影相「打咭」,訂購呢啲用品都盡量睇下環保塑膠標籤,每次用完都會清潔好循環再用,太重攞唔走啲用品都會留比船家等其他人出海再用。談到有報導話海上垃圾每年超過一萬五千噸,垃圾灣「臭名遠播」。

Karl話中學時做校際環保大使時已經有留意:「真係要從細由教育著手,今次自己去船P都分類處理好垃圾。有時出海到海中心海上清潔隊比較不常去的地方,我地都會借船家撈魚嘅網幫手撈海上嘅垃圾,以免海洋生物食左中毒。」又話暑假旺季最多人出海同去沙灘玩,有同做開「綠色大使」嘅環保團體合作,每星期周末招募放假嘅青少年同公司嘅學生實習生去海邊收集垃圾,身體力行做得幾多得幾多。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。