蘇慧恩日本關西拍攝慈善旅遊書 全數捐贈苗圃行動幫助緬甸學校興建

0
461

歌手蘇慧恩(Ophelia) 早前到日本關西拍攝慈善旅遊書《蘇慧恩Ophelia So䦕西之秘景》,並將於七月中書展期間正式發售,書內介紹了關西七大秘景,其中包括八瀨瑠璃光院等,而賣書收益扣除上架費後全數捐給苗圃行動,幫助苗圃行動最新推出的緬甸學校興建項目。

Ophelia 表示:「今次希望做件有意義的事,所以將賣書收益全數捐去緬甸起校,其實以前曾經出席過一個慈善活動,知道蘇永康捐錢在大陸山區興建了好多間希望小學,當時我真的好想將來可以好似蘇永康,賺到錢就可以幫多啲有需要的小朋友。雖然我唔可以好似蘇永康咁犀利捐咁多間,但希望在自己有限能力範圍內做最多的事,幫到幾多得幾多,我依家都有助養小朋友,而今次賣書我真的很希望大家多多支持,賣得一本得一本,幫到一磚一瓦都滿足。」
為何選擇苗圃行動慈善機構?Ophelia 表示:「苗圃行動主要以助學為主,呢個世界有好多貧民須要救助,但我覺得如果要一個國家脫貧,其中一個重要元素就是教育,我相信知識可以令到人民進步,先可以有基礎去改善一個國家的經濟,所以兒童教育好緊要,如果有機會我都好想親身跟著苗圃行動義工一齊去緬甸探訪當地小朋友。」
Ophelia帶備了不少靚衫拍攝,其中她穿上一套充滿日本女性傳統美的和服浴衣,漫步京都街頭賞夜景,鏡頭前相當浪漫,但她笑言:「其實當時落好大雨,好彩套和服浴衣係我自己,所以整汚糟咗都唔緊要。」

NO COMMENTS