秦芷瑤龍舟競賽奪季軍

秦芷瑤Rose昨日與一眾亞視同事一同出席端午節扒龍舟活動。Rose 話:好開心今次可以同ATV工作人員一齊參與扒龍舟,亦都係我第一次參與端午節扒龍舟競賽,真係冇諗過我哋團隊會攞到季軍,因為眼見隔離組的龍舟隊個個身形都非常大隻,起初都有擔心自己身子弱小會唔會輸蝕㗎。
Rose 說:當我地條龍舟扒到300米嗰陣時,雖然大家都以經好攰,我隻手仲開始震緊,但仍然聽到大家一齊吶喊:加油!撐埋佢!果種感覺真係好齊心,好有團隊精神,當宣佈我哋係季軍嗰陣時,真的令我喜極而泣,因為我哋真係有練習㗎,所以我覺得凡事一定要竭盡所能,喺度我祝大家端午節快樂!

浩楠

Stars-hk 創辦人, 希望建立一個只談專業, 不談八卦的娛樂資訊網站。