[婷婷有食神] 《回到味來》邊食邊補 補而不燥

0
1264

位於油麻地彌敦道信和附近的 《回到味來》雞煲海鮮火鍋私房菜,是一間以雞煲及藥膳湯底結合火鍋為主打的火鍋料理店,店內環境非常乾淨舒適,店員服務周到。

識飲識食,仲煮得一手好菜的劉婷婷Coka,呢日就應兩位老闆陳建成Jacky、黎巧儀Carrie的邀請到店品嚐美食。一坐底老闆Jack 就端上靚湯,原來就係《招牌當歸鴨》湯,Carrie 就介紹番個湯,湯底都經佢地改良過,可以有藥膳進補效果,但又唔會燥。

今次婷婷就選左《招牌藥膳紅燒牛肉》湯底。火鍋又點少得肥牛呢,選擇方面有:手切牛頸脊、雪花肥牛、同安格斯頂級肥牛。婷婷就最欣賞佢地既手切牛頸脊。

唔想食咁多牛肉既話,可以叫碟鹿柳,質地夠晒嫩滑又健康。

蔬菜方便,叫一個蔬菜拼盤就最岩,餐廳仲整到成個蔬菜籃,攞黎selfie 一定有呃到唔少Like。
丸類方便,老闆就介絡左,招牌回到味來手打牛筋丸,食落夠晒肉味。

即炸響鈴,都係必點之一

如果大家仲未食飽,婷婷仲推介大家可以加個伊面或新竹米粉,就即時變左一碗藥膳紅燒牛肉面,一定好滿足。

當日下午試菜活動,出席藝人包括:龐景峰、張加慧、程芷渝、傅蘊盈、陳彥靜、曹越、吳智杰、王詠珩等。

Jacky 同 Carrie 想比多啲機會後生仔,所以請90後,00後既員工,睇落真係好似一家人。

文:劉婷婷Coka

《回到味來》
地址:旺角彌敦道594-596號旺角新城3樓

招牌菜:藥膳紅燒牛肉
藥膳紅燒牛肉的用料新鮮,店主使用牛肋條,肉質較軟身,吸收更多藥膳湯汁。紅燒牛肉先用洋蔥爆香,再加入以多種香料和藥材熬製而成的藥膳湯底,香濃而不油膩,沒有苦澀味。火鍋配料吸收了藥膳紅燒牛肉的精華,味道濃郁可口,店主形容這道菜是「天作之合」!

當歸鴨鍋
店主選用嫩滑足料的鴨肉,切好的鴨件更會砌成鴨的形狀上碟,賣相精緻。與藥膳紅燒牛肉相比,當歸鴨鍋的湯底較清爽,當歸的味道不會太過濃烈,鴨件口感嫩滑,甘醇的鴨香在口中停留,適合喜歡清淡口味的朋友!
新鮮配料
回到味來的火鍋配料絕不馬虎,推介手打牛筋丸、牛餅和手打蝦滑。牛筋丸、牛餅的原材料非常新鮮,空氣感十足,一咬開肉汁就爆出來!手打蝦滑則爽口彈牙,啖啖都是鮮蝦香味。

NO COMMENTS