黃建東憑創意升呢做創作總監

藝人黃建東 (Derek) 憑着搞鬼奔放的創意和風格突圍而出,最近更被《粵澳名優商品展 2017》邀請為宣傳片擔任創作總監、編導和主角:「很開心有咁大個客戶搵我度橋拍片,自己第一次做創作總監又要編劇而做導演既興奮又緊張,特別今次是廣東省及澳門聯合主辦。」今次 Derek 因應大會主題度了幾個角色,包括要扮演爺爺、bb、鼎爺等:「我和攝製隊特別走遍中上環找到一棵大榕樹去扮爺爺,誰知埋位時落大雨,明明扮緊阿伯行動遲緩,跟住落雨走鬼忽然行動敏捷,即刻嚇親公園啲路人,非常搞鬼。我仲特登走去搵套黑色廚師衫扮鼎爺,學佢開頭打功夫踢樹葉,不過當然係搞笑版。」

除了拍攝宣傳片外,Derek 還獲邀一連兩日與鼎爺在澳門的商品展一起主持”名人廚房”,做鼎爺的小助手以及唱歌表演:「好開心可以同鼎爺合作。其實合作前有些緊張,因為覺得鼎爺好似好惡,但合作過後發覺鼎爺係非常幽默和玩得。我哋特別度了上下把位使鼎爺裝兇鬧我,觀眾睇得拍手大笑。我仲學到咗好多廚藝小貼士好似點樣拍薑可以多啲薑汁等,非常受用。」Derek本身喜愛下廚,很期待可以再與鼎爺合作從鼎爺身上偷師。

黃建東 – 粵澳名優商品展2017 宣傳片
https://www.facebook.com/derekwong726/videos/1396585670438339/

鼎爺、黃建東 – 粵澳名優商品展2017 “名人廚房”
https://www.facebook.com/derekwong726/videos/1403245909772315/

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。