邵仲衡首與兒時偶像白彪合作感興奮

0
3 views

資深藝員白彪和邵仲衡日前在烏溪沙為ViuTV新劇「詭探」開工,邵仲衡兒時已睇白彪劇集,早視對方為偶像,難以置信有幸與對方合作。白彪叔自離開無綫後,亦有參與內地劇集,但香港片場的人情味吸引彪叔回流開工:「其實北上就為賺人仔,但劇組就好似有點隔膜,反而香港就同聲同氣親切點,所以都好鍾意拍港劇。」
白彪首度為ViuTV拍攝劇集,大讚工作環境舒適:「我以前唔俾離開公司(無綫),監製好似恐龍咁追住你咬咁,喺公司比間房瞓覺!我試過收工揸車返去,突然間撞左車,原來自己瞓著咗。」。
白彪叔自信「身經百戰」,無懼接拍懸疑劇集:「以前瞓棺材都試過晒啦,不過有一次要我瞓停屍間就深刻喇!首先你都唔知嗰格瞓過幾多屍體,二來工人作人員又唔生性,推埋左之後又搞燈光又搞鏡頭,嚇到我拍門叫佢地快趣開工!」。
邵仲衡希望港劇能突破規限,作多方面的嘗試:「今次已經係用新派方式去拍,可能試到些大家覺得過癮的劇種出來!現在多了電視台,大家都好似期待呢個豐盛年代來臨,百花齊放咪好囉!」

NO COMMENTS