白健恩再推自編、導、演作品賀憂鬱情人節
一年一度情人節又到，藝人白健恩(小白)又再推出自編、自導、自演微電影，當然唔會咁行貨，靜係同情人攬攬錫錫大騷恩愛啦! 一向比人感覺沈默憂鬱嘅小白，雖然平時唔多鐘意講嘢玩自閉，但一講起同藝術有關嘅話題，必定眉飛色舞, 最鐘意用音樂同舞蹈表達自己嘅情感，今次創作揾嚟演藝學院同班同學Oggy，小白負責導演兼排舞，希望帶出珍惜愛嘅信息，小白表示：「 有d感情耐咗相見不如不見，但反而失去最愛嘅人，心中仍然每日懷念，果份感情永遠喺心中，仲值得回味！」
被問到因何咁傷感? 係咪自己親身經歷過失去愛人？小白感慨, 慶幸未試過同愛人生離死別，但失戀試過被傷害得好深，唔再相信愛情會有天長地久，所以寧願單身都唔想再拍拖！睇嚟今個情人節小白都會繼續享受單雞情人節！但小白仍然真心祝福身邊朋友情人節甜甜蜜蜜溫溫馨馨！珍惜愛!
Youtube:
Valentine’s Day Treat 情人節 送給你
