PARTY ONE·Party Lover新蒲點

2017-01-262017-01-26 浩楠 Party One, 劉婷婷

Party Room是近年新興的行業，因香港普遍居住地方範圍有限，加上租金昂貴，年輕人想揀選地方開Party，往往就選擇這類的Party Room。不論租場的費用相對便宜、娛樂設施夠多、場內又有不同的主題和氣氛，所以大大吸引了一班客戶和搞手們，因而迅速了這個行業的發展。

「而家出街玩唔一定係落Club，去唱K，Party Room玩返半日都可以係一個極受歡迎嘅活動……」Party One其中一位創辦人Leonard表示：「一班人，大家鐘意玩乜都得，打牌呀，打機呀，食下嘢玩下Boardgame都可以，唔一定成日要飲酒唱K嘅，出面呢啲活動價錢都相對貴，而且唔係人人都啱，Party Room會多元化一啲。」

Party One面積有1200多呎，樓底高，地方寬敞，能容納多達60人。場地亦提供無酒精飲品任飲、派對氣球、動感波波射燈、音響設備、Boardgame、跳舞Game、飛鏢、麻雀和各式各樣遊戲機等統統任玩。為了讓客人可盡情自拍，Party One場內有給你溫馨感覺的木地板令客人賓至如歸的感覺及掛滿裝飾的大型水松木板供大家拍照留念。

大家亦可以採用其中復古風格設計的大廳去舉辦不同類型的派對活動，例如生日派對、朋友聚會、週年晚會、Pre-Wedding、求婚及公司聚會等。場地除了可舉辦Party外，亦歡迎不同團體舉辦工作坊或公司會議！

另外Party One更特設一間小型房間作私人宴會及聚會，足可容納十人，Cushion最適合三五知己談天說地，作會議或私人派對之用，與愛侶細語綿綿甚是浪漫！

Party One位於交通最便利的旺角地段，由旺角地鐵站A2出口約5至8分鐘左右到達場地。由於附近交通四通八達，一班Party Lover可以盡情玩樂而不需趕乘尾班車回家。

問起點解改名做Party One？作為Party One創立人，Viann就話：「One代表第一，唯一，係一個唯一專屬你嘅派對場地。而且名字大眾化容易記，市場上亦有近似嘅名字例如The One， Page One，Sushi One等等，我哋希望成為咗你哋心目中唯一嘅派對場地，每次諗起Party就會諗起我哋Party One。」

【理念是由開心快樂而產生】

「我想帶俾身邊每一位朋友開心快樂，等到佢哋放工後都有一個地方去舒緩壓力，生活中得到開心。這促使我去開立Party Room，有個舒適嘅空間可以一齊慶祝，一齊癲一齊笑，帶到歡樂比我身邊嘅家人朋友。我好希望朋友開Party既時候會第一時間諗起我。」

「試過有些客人會問我哋開Party Room辛唔辛苦……」另一創辦人Ryan回應話：「相信在香港任何一種創業過程都係充滿汗水嘅，而我哋覺得創業最重要嘅係合夥人，所以喺合夥人方面我哋一早搵咗一批志同道合並且擅長唔同方面嘅人。可以有詳細嘅分工令Party One順利運營，例如有負責技術支援，有負責行政編排，有負責市場推廣，有負責Sales搵生意，有負責氣氛調動等等。雖然大家分工唔同，但我哋都有共同的宗旨，就係服務第一，希望每一位客人上來Party One享受歡樂時光的時候，都可以享受優質嘅服務，溫馨嘅環境，多元化嘅娛樂，大多數客人在嚟過Party One之後都會同我哋交換電話成為朋友，好多時候客人嘅評論同信息會令到我們心感安慰並且充滿動力，所以我哋希望香港人可以更加多的支持本地創業。」