胡琳首次內地簽名會 自爆內地登台趣事

胡琳Bianca於11月18日出席第22屆廣州國際音響唱片展，並在會場內舉行唱片簽名會。胡琳表示第一次在廣州舉行簽名會，與歌迷近距離接觸：「好多FANS都透過微博短訊問我幾時會在內地舉行簽名會，佢地知道呢日舉行之後都好興奮，原來好多歌迷都係線上聽過我嘅歌，第一次接觸我真人！歌迷反應比我想像中熱情，睇黎都要同老闆傾下搞多幾次內地簽名會先得！」。

Bianca笑言每次赴內地工作都充滿挑戰，靠「執生」解決問題：「有時就自己大頭蝦，有時就主辦單位突然整D驚喜比你，好似今日咁，我去到樓下臨開車先發覺未執回鄉卡落銀包度，如果去到關口先發現就大件事啦！而上個月我去內地登台，上到台準備唱歌個陣，先發現首音樂錯左，原來對方從網上下載，歌名的確係啱啊，不過唔係我首歌囉，唯有執生叫停音樂再清唱！」

廣州國際音響唱片展被譽為世界四大民用音響展覽之一，Bianca除了舉行簽名會外，更參與各攤位了解製作「發燒碟」的新科投。