馬嘉均珠海動漫節造型曝光

馬嘉均（馬仔）日前同雪子出席珠海動漫節活動，初次參與動漫節更參與cos-play演出，大扮網上遊戲角色：「其實我做呢個角色，最緊要就係Chok，所以我黑口黑面係為左投入呢個造型咋！」。

席間多名少女上前要求合照，令馬嘉均歡喜不已：「佢地突然間走埋黎都嚇左我一跳，又話我靚仔又話要錫住影相，搞到我面都紅晒，臨尾個陣有個女仔話我扮得好似，我先知原來佢係讚緊個角色而唔係我，幾尷尬啊！」

大會本安排馬嘉均參與「打機」表演，可惜臨時取消令馬仔失望：「打機打到可以表演，你知唔知幾威啊？我覺得威過紅館唱歌啊！我同亞媽講有人請我去打機表演，佢就猛聽錯話打鼓表演，仲叫我比心機，真係激死！」

馬仔最新歌曲《仍未忘記》派台，除了唱歌之外，更身兼MV導演、拍攝及剪接：「依家外國好興個MV唔見左個主音，因為呢首歌同英師傅傾左好耐先錄音，所以由自己去拍同剪個MV係可以投入D！而呢首歌Rock味都幾重，希望歌迷聽得番我初出道個時嘅感覺啦！」