小婷、白健恩帶黃建東遊荔園慶生

白健恩(小白)黃建東一向老友鬼鬼， 經常一同出席活動，而小婷除了是經理人外，近期更參演幕前，三人一同拍攝了由李逸朗執導的 電影《 神探 》，東東和小婷有很多對手戲，所以東東一早已叫小婷做<小婷媽媽>！

 

經常三人行開心又熱鬧! 小婷媽媽幫東東慶生當然唔會淨係食飯慶祝咁簡單!特別安排同兩個大細路遊荔園玩比賽! 三人興奮試玩《XRace》高卡車!

小白未玩前充滿自信話一定賽第一！結果三人變包尾大班！因為東東被外籍人士撞車，嚇到手滕腳震！賽事未完8圈便提早腰斬！東東被指累街坊皆因踩錯油門當煞車！

進入會場後見到《開心呠呠車》，三人即時返老還童，小婷媽媽最狼死起勢追住人撞! 小白被撞到傻…頭髮都變形! 東東話原來女人兇狠起嚟真係好恐怖!

瘋癲三人組繼續比賽，鬥快玩吹氣障礙賽《充氣大暴走》 減肥尚未成功嘅東東因為士啤呔頂住障礙物未能順利爬出！結果當然跑第尾！

東東唔憤氣同小白再鬥《「就咁」擲階磚》，東東同小婷都贏了公仔! 而小白唔認輸性格死都要玩《我要射波！》 一對甲組腳順利比佢贏翻個咕o臣啦! 瘋癲三人組開開心心大玩特玩，東東今年其中一個生日願望希望能同好兄弟小白一齊拍電影！ 亦希望電影《 神探》快上影三人繼續為影圈放笑彈！