丁悅新碟《迷戀你》舉行簽名會 與粉絲共度情人節

IMG_ (9)
Big Echo旗下歌手丁悅今日假元朗的威威唱片店為新碟《迷戀你》舉行簽名會,與歌迷共度情人節,大批粉絲一早到場霸頭位,因為今日是初七人日兼情人節,不少粉絲都送上新年禮物,其中一位已婚型男粉絲送了一隻情人節心心啤啤熊給阿丁,並祝阿丁情人節快樂,本來阿丁應該Sweet到暈,點知阿丁突然驚訝反問了一句:「今日係情人節咩?!」大家即時被嚇到「反眼」,更笑到「反肚」。

IMG_ (3)

之後阿丁說:「我真係唔知今日係人日兼情人節,情人節唔係2月16日咩!」她表示一直以來對節日沒有概念,入行後就更加,她說:「節日對我講冇意義,以前拍拖都唔會慶祝情人節。」

IMG_ (5)

問到今個新春點過?她表示病了幾天,腸胃炎加發燒。(有冇男仔慰問?)冇呀!我都想呀!」阿丁並祝大家新一年身體健康!

 

至於猴年大計?她表示希望出兩張唱片,與及開一個小型迷你演唱會:「想開幾百人個種,熱熱鬧鬧就好滿足。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。