群星祝賀 為蕭定一慶生

IMG_6020

昨晚《十月初五的月光》電影版在銅鑼灣時代廣場舉行保良局慈善首映禮,由「初哥哥」張智霖、「君好」佘詩曼、「Q姨」薛家燕和「翻生」的「司徒禮信」馬浚偉等聯同超過20名演員一同出席,吸引大批fans及市民圍觀,人潮由露天廣場塞到上戲院,場面熱鬧又墟冚。

IMG_4963

首映後,一眾演員浩浩蕩蕩拉隊前往附近的一間日本料理店舉行after party,同時亦為今日光棍節生日的中國3D數碼娛樂有限公司老闆蕭定一慶祝生日。在凌晨12點,現場推出三個生日cake,還有一條200磅、特別從九州預訂運送來港的巨型藍鰭吞拿魚,蕭定一在許願後更和太太及父親、Chilam和家燕姐等手拿木槌扑開大酒桶,嚇得家燕姐又笑又叫;而壽星仔當然少不免與賓客們敬酒及放題selfie,亦與旗下藝人Chilam、鄭欣宜、莊思敏、王宗堯、張建聲、陳詩慧、唐貝詩、何佩瑜和少女標本等大合照開心留念。

IMG_4885

昨晚蕭定一與超過200親友及賓客共度生日,玩得盡興,令他非常開心:「噚日有咁啱得咁橋啦,噚日係《十月初五的月光》首映,過咗12點又係我生日,好開心好多人同我講好鍾意呢部戲,亦都好感動。」至於生日願望,蕭定一說:「我最希望當然係我三個小朋友健康快樂,同埋我最慶幸有大班好好嘅朋友成日支持我,友誼永固。」

浩楠

Stars-hk 創辦人, 希望建立一個只談專業, 不談八卦的娛樂資訊網站。