C AllStar演唱會反映熱烈 加開「日場」

Calllive_2030_Final

男子組合團C AllStar將於9月2和3日灣仔伊館舉行「C AllLive 2015」演唱會,由於反映熱烈,現宣布第二度加場,加開9月3日「日場」。演唱會加開「日場」實屬少見,C AllStar異口同聲表示心情激動又緊張,陳健安(安仔)說:「今次演唱會有好多『第一次』,我哋將會第一次四面台表演、各有自已solo表演、各自請自己既喜賓,依家仲加多咗個『第一次』……開『日場』,感激歌迷支持。」梁釗峰說:「今年9月3日係公眾假期,唔使返工可以嚟睇日場。」何建曦(Jase)說:「今次唔止破咗自己紀錄,連開3場,仲要喺28個小時內完成3場騷,好大挑戰,我哋依家忙於搜羅養聲良方。」

CAllStar_ (5)

至於吳崇銘(King)最近可謂艷福不淺,在C AllStar新歌《逾越生死》MV擔任男主角,與女神陳嘉寶(Anjaylia)談情,而且更獻出螢幕初吻,令其他三位成員羡慕又妒忌,他笑說:「其實只係錫額頭,唔使咁大反應既!」言而他一親女神的代價就是「死」!

CAllStar_ (4)

MV故事講King準備向女友Anjaylia求婚,不幸遇上車禍,King為救女友自己被車撞到頭破血流,躺在馬路上,介指和盒掉在地上。女友生還但失去摰愛,坐在輪椅上幻想自己接受男友求婚,King為她揭開白色的頭紗親吻額頭,然後手拖手看著日落。這次MV由2011年憑《志明與春嬌》獲得香港電影金像獎最佳編劇的麥曦茵執導,釗鋒說:「麥導演風格好親切,非常香港製造。」安仔笑說:「其實因為麥導演出名拍到啲人特別靚仔……」Jase笑說:「呢個先至係真相!」而拍攝當日麥曦茵導演親力親為,跪在地上為King淋血,又坐在地上試鏡頭教戲。

CAllStar_ (2)

講到今次MV主題,釗鋒說:「對於《逾越生死》呢四個字,我哋每人都有唔同解讀,分別放喺愛情、友情、親情上,對於我就係愛情回憶,分開總有遺憾,聽到呢首歌之後有啲釋懷。」King說:「如果分開唔係人為,而係被迫不辭而別呢?所以每一刻我都當係最後一刻,唔好留下遺憾。」釗鋒突然感性地說:「我哋四個既兄弟情都逾越生死,我曾經諗過,如果我哋之間其中一個唔喺度,另外3個會點過?!」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。