農夫為出碟拍劇揾外快

農夫簽約新公司後推出新碟，並獲邀作客J2節目《娛樂3兄弟》，分享新歌創作靈感，談到其中一首關於分手既歌曲《好彩分手》，是否C君既寫照，佢直認不諱:「被前度分手感到好Hurt，希望首歌可以及同道中人發洩心聲」，更透露原本首歌既歌名叫「你個EX係賤人」，但公司覺得個名不是太好，所以改成現在的名字。陸永與C君笑言出碟猶如敗家，為左 “供養”出碟計劃而拍劇和揾其他外快。

對於全城關注既穎琳戀，在劇集《殭》中飾演鄭嘉穎徒弟既陸永，答得非常保留，指不清楚兩人是否擦出愛火，反而斬釘截鐵話黃又南與劉佩玥既緋聞一定是假。劇中集合多位女神拍檔﹐陸永話如果揀女朋友的話會選擇陳嘉寶(Anjaylia)，反而不會選擇陳凱琳(Grace): 「Anjaylia 有時都會有甩漏，但係Grace太完美啦! 唔止靚、唔止叻、做戲又OK、估唔到佢連拉筋都咁勁。」

農夫回顧最窮既日子，戶口只係淨番三個八，被問佢地為左”拗撈”可以去到幾盡，C君即時自爆:「坐過杜SIR(杜琪峯)大髀!」事原農夫和杜SIR以前是同公司，在一次的公司聚會中，杜SIR暢飲後唱起《海闊天空》來﹐杜SIR見農夫也是唱歌，一手拉著C君坐在佢大脾上，一起唱歌，當時杜SIR以為我們不是拗撈之人﹐所以才放下介心﹐所以最後沒有得到任何工作機會。

《娛樂3兄弟》

嘉賓:農夫
播出時間:6月26日 晚上9:30-10:30 (第十集)