《壹獄壹世界》張建聲出冊 女囚犯馬嘉韻Mars 棒踎7日

OLYMPUS DIGITAL CAMERA

張建聲 (Justin) 為宣傳主演改篇自高登神作最終章的《壹獄壹世界:高登闊少踎監日記》,親自走入流動「水飯房」,實況體驗踎監生活。今日(4日),穿上囚衣的Justin踎足72小時後終於在銅鑼灣出冊,同片演員張松枝、趙永洪、周祉君,以及公司師妹唐貝詩和老闆蕭定一齊到場迎接Justin光復自由,更安排他檻火盆,又用碌柚葉為他掃身趕衰氣。

OLYMPUS DIGITAL CAMERA

隨着張建聲出冊,電影公司已從數以百計的云云參賽者中選出19歲0靚模馬嘉韻 (Mars) 接力。馬嘉韻表示自己雖然擔心出現崩潰狀況,但希望堅持捱到至少三日,而且今次坐監絕對是種人生體驗;由於女參賽者備受注目,加上她穿短褲露出大腿紋身,所以現場亦吸引大批途人駐足圍觀。

OLYMPUS DIGITAL CAMERA

出冊的張建聲滿面鬚渣,亦比前略為清減,在場的趙永洪還笑他這幾天不知如何解決性慾,張建聲則笑說:「我冥想啫,講真,我仲邊有力去做吖?我仲可以冥想諗到嘢已經係一個奇蹟。最辛苦係第二日,個人有啲崩潰,出現踱步,同埋壓力愈來愈近,出現幻覺,仲有少少幻聽,原來係會困癲一個人,千祈唔好輕視。」他出監後會休息兩天,再注意一下自己的精神狀態,「因為有啲朋友嚟探我,話我眼神變變哋,好似唔識眨眼咁,我都好驚,咁大個仔都未試過面對精神創傷。」

OLYMPUS DIGITAL CAMERA

唐貝詩對於今日能見證Justin放監感到開心,她說:「但佢個樣好滄桑,幾日都冇剃鬚,我睇到接力個女仔Mars嘅報道,知道佢係一個model,收入唔穩定,佢希望捱到七日攞兩萬交租,我好respect,始終一個女仔得19歲,喺街度俾人望又俾閉路電視拍住,希望佢可以體驗生活之餘,可以提升知名度有更多工作,加油!」

OLYMPUS DIGITAL CAMERA

「實況體驗踎監有錢派」今日才正式開始,但連日來報名反應非常熱烈,蕭定一透露比賽會一直接力至六月一日,亦計劃將遊戲「加大」,於西九龍中心加建一個監倉,讓更多參賽者有機會玩遊戲贏獎金。蕭定一又笑說,會加人工給Justin作為獎勵,「男人好難安撫,加人工啦,最實際,俾獎金,如果呢部戲成功佢功不可沒,因為佢付出好大。」

Untitled

此外,為令今次坐監真人騷具更佳效果,電影公司已重新裝置高質器材,讓網民可上網看到高清直播畫面。

OLYMPUS DIGITAL CAMERA

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。