眾藝人 熱心參與捐血活動 (附圖輯)

日前協會應紅十字會血庫告急，與動作特技演員公會到香港理工大學捐血，熱心參與的有佘詩曼、錢嘉樂、肥媽、陳山聰、梁烈唯、邵美琪、張致恒、陳志健、黃長興、黎芷珊、莫家淦、漢洋等。

記者:Winnie Chiu

肥媽與錢嘉樂現場接愛紅會連智杰醫生及理大莫禮士教授致送紀念品，陳山聰、張致恒、陳志健、梁烈唯更現場捐血。

      
      
  訪問肥媽及美琪表示：因為曾志偉臨時不在香港所以今天沒有來，不過他曾志偉一定會來捐血的。更呼吁每一個年輕的健康的你齊齊來捐血。問到會長成龍大哥的兒子房祖名稱：房祖名他已經得到自己應得的懲罰了，他會好好改過，他會用實際行動來證明自己真的悔過了。

問到身邊的美琪過年有什么計劃，美琪稱過年時要工作不能陪男朋友出去旅行，而且過年時會有很多人去旅行，等過完年再陪男朋友出去玩。并透露過年是中國人的傳統會去見見長輩，拜拜年。美琪透露剛剛有人問她是不是與男朋友分開了，美琪說真的想打他。其實大家也是希望美琪好事近，快點結婚。

陳山聰奉獻出他的第一次捐血，完成捐血后輕松表示：冇想象中咁驚，唔覺得打針好痛。提到山聰與港姐陳凱琳的緋聞，山聰堅稱絕對無可能，無諗過拍拖，加上無諗過佢，總之唔係啦。關于冇戲份現場探班一事山聰回應，大家拍同一個劇，同場一定有，可能大家想佢拍拖造出來嘅，娛樂新聞睇完就算。

梁烈唯(唯唯)笑指自己是個怕血之人，之前已捐過兩次血，唯唯稱落針及取針時只要唔去睇佢就唔會覺得害怕啦。更呼吁大家捐血救人，輕松唔會暈！只需坐一陣，便可幫助人！

這次來捐血帶頭的錢嘉樂表示：今次捐血係曾志偉喺群組發起嘅捐血，我估佢應該係去緊廁所時發，咁有心好難得，佢唔係香港所以冇嚟到。而武師公會仲為意外墮海溺亡攝影師陳國雄籌款，嘉樂表示：係籌咗啲錢，數字唔講，心意啫。睇嚇家屬有咩需要，聽到古天樂都會搞籌款，大家就好似一家人咁。

嘉樂話：今次藝人連武師公會會員，約有四十幾人到場捐血。從未捐過血嘅嘉樂本來想今日破一破佢，但惟自己卻因幾日前吃了感冒藥未能成功捐血，惟有下次再捐過。

今次未能成功捐血嘅仲有佘詩曼，阿佘稱：我已經篤左手指，姑娘話佢服緊中藥唔能捐血，要停七日后先可以再捐，所以阿佘無法即場捐血。佢承諾一星期后會再來捐，屆時會找姐妹們一同去捐血，不過大肚嘅周家蔚就唔得。

阿佘透露數年前曾經捐過血，知道近期血庫緊張，特別是過年前的天氣，很多老人家生病都需要捐血。

阿佘19號在澳門華鼎獎獲得中國最佳電視劇女演員獎，她透露沒有特別慶祝,要準備今日嚟捐血。問到會不會加片酬？她說：唔會啦，遇到好角色及劇本同對手已經係獎勵。