茜利妹教黃宇詩 出「老爺妹仔系列」內衣

UC c

黃宇詩到茜利妹及王利民主持的電台節目《利緣茜街》受訪,談到父親(黃霑)印象,她道出最深刻的一次:「小時候好中意哥哥(張國榮),有一次爸爸帶我出席一個明星籃球賽去睇哥哥,佢地喺後台等出場時,哥哥忽然拉開褲頭俾爸爸望(內褲),我果時雖然仲細(小學),但都覺得好『驚喜』,覺得『正噃』!仲有就係爸爸果次著涼鞋去打籃球,佢話『點解打籃球一定要著波鞋』﹣嘩!型囉!」

UC a

霑叔生前交帶曾志偉「睇住個女」,志偉做到足,更有入股其內衣店,非常唔話得。宇詩企圖再下一城,推出男裝內褲,更謂想請「志偉爸」(黃宇詩對曾志偉的暱稱)代言,遭王利民主席非議:「產品代言人最緊要令消費者有代入感,『志偉爸』賣底褲好難投射啫… 起碼我唔會想買囉…」

宇詩則道:「『志偉爸』係『素人line』,另一條『幻想line』嚐試搵彭于晏代言,包你買!」一講彭于晏,她與茜利妹便興奮尖叫。

她又自嘲新名字叫「黃乳啲」,意指胸部得啲啲(小),她披露前男友曾說笑地嫌她胸部小:「佢講笑咁講,又冇話好認真嫌,但係原來我介意,好唔開心。」現任男友則從來沒有嫌她胸部小,又笑說自己有「強逼症」:「上親我男友屋企都忍唔住… 執屋!哈哈哈哈…」認真鬼馬。

UC b

節目直播中途又「職業病」發作,黃宇詩忍不住伸手摸茜利妹胸脯,嚇得另一主持人王利民主席目瞪口呆,他不作評論即時劃清界線。

茜利妹謂:「上次去宇詩內衣店揀bra已經俾佢睇晒『全相』,胸都摸過,但都估唔到佢喺節目直播咁open!俾佢再摸過胸,我地嘅友誼係有增長嘅。」

更open都有,黃宇詩又談到人生首次自己買內衣,都是因為拍拖,預備跟男友玉帛相見:「會買性感喱士睡袍﹣可能果時已種下『內衣情意結』…」愈講愈興起,與茜利妹girls talk,大談與男友玩「角色扮演」閨房遊戲:「我地會玩『老爺、妹仔』﹣我會扮妹仔,大叫:『唔好啦老爺!奶奶返嚟喇!』」茜利妹即場獻計:「你應該出番個『老爺妹仔系列』內衣,我最少包你100套,送禮自用皆精品!」

 

 

 

浩楠

Stars-hk 創辦人, 希望建立一個只談專業, 不談八卦的娛樂資訊網站。 STARSHK 總監, 星雨文化 董事, 藝人及名人管理, 項目:OTO 平台Artist-HK,活動統籌,