C AllStar 安仔與Sammi 翻唱 《時間之光》(附圖輯及MV)

IMG_ (9)

四人男子組合C AllStar即將面世的第7張專輯《Collab Star》,大玩crossover。早前與樂壇女子組合Super Girls合作快歌《SuperStar》為專輯打響頭炮。

IMG_ (6)

近日網上流傳一張相,相中C AllStar成員安仔(陳健安)與一名短髮型女疑似在拍攝MV,由於該短髮型女被刻意模糊,賣關子。今日(15日)謎底終於揭曉,與安仔合唱的短髮型女,就是即將在紅館舉行跨年演唱會,而且一票難求的樂壇天后鄭秀文(Sammi)。

IMG_ (3)

Sammi與安仔異口同聲讚嘆這次是合唱是奇緣,事關《時間之光》是Sammi於2002年的作品,2011年C AllStar安仔翻唱並收錄EP,今年初在紅館演唱會上重新live演繹。Sammi透過一位歌迷介紹聽到安仔翻唱版本後表示想合唱,她說:「呢首歌喺我十幾年前既作品,輾轉聽到安仔既版本後,我覺得:『原來我隻舊歌可以畀佢唱到咁好聽架喎!』於是搵佢合唱,即係再翻唱,翻上翻,double翻,哈哈哈!其實,好多謝安仔提醒我有一首咁好有意思既歌。」

IMG_ (5)

能夠與偶像兼原唱者合唱,安仔在拍攝MV當日表現超緊張,單是一個「點頭」的動作就NG近十次,非常搞笑。安仔說:「今日感覺好奇妙,好似電視機裏面既人走出嚟,又或者自己走入電影裏面同偶像傾偈咁,呢刻感覺好似發緊夢,點都估唔到我因為翻唱一首歌,然後可以同Sammi合唱、拍MV,好感恩,呢個緣份好難得。」Sammi坦言這次是無心插柳的緣份,說:「呢次合作唔係用咗好多時間好鋪排,《時間之光》內容係講時間可以醫治好多事情,而適當時間就會有好事情發生,好似今次就係good timing。」

IMG_ (7)

安仔認為《時間之光》屬「治療系」,歌詞安慰心靈,Sammi十分認同,並說:「十幾年前我獨唱既版本,依家同安仔對唱,獨唱和對唱感覺好唔同,首歌分拆之後,我哋分別以自己角度去唱,好似多咗個角色,同一份歌詞,但變出不同意義!」安仔說:「我獨唱時,感覺好似正在經歷失戀傷痛,但依家合唱既感覺,我唔再孤單啦!Sammi就好似作為原唱者向我講:『小朋友,睇開啲啦,時間會醫治一切。』既感覺!」Sammi讚安仔令新版本音樂性更強和立體,她說:「安仔擅長唱和音,佢令首歌層次更富豐。」

 

IMG_ (8)

MV:

 

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。