[賽車] 美女賽車手彭湘淇 挑戰黑夜賽車 (附圖輯)

歌手彭湘淇(Cory),外表柔弱可愛,日前參加賽車比賽當上美女賽車手,看不出穿起賽車服英姿凜凜,搶去觀眾不少目光,真令人意想不到。

Cory第一次參加嘅係5小時耐力賽,今次有三位隊友,每位車手揸五十五分鐘,到賽車場第一件事就係試賽車櫈,因為每位車手身形體重不一,要按體型調校同一個位置四個人最合適嘅距離。之後就係學習快速練習上落車,練習扣、解安全帶,賽車比賽每一秒都是決定勝負的因素,包括這些細節。

問到 Cory 這次比賽有甚麼難忘事,佢話第一次同高手同場比賽,心情真係好緊張。第一次面對黑夜看不清楚嘅賽道,賽道已經好昏暗,仲要只係可以用原裝照明嘅車頭燈。日間可以看到遙遠嘅視野,喺黑夜視野距離變得很窄。睇唔清楚轉灣嘅位置,不幸入左石池,對比落雨濕滑嘅時候,更加難駕駛。

在排位赛角逐中,Cory嘅車隊- 佛山四月,奪得排位場第一名,是一個好好的開始。在第二日正式比賽中,車輛的轉向節(羊角)不幸斷裂,又沒有後備零件喺度,本來先拔頭籌,令賽事未能夠完成,令到Cory十分失望。Cory覺得今次比賽係一個很好嘅經驗,雖然失望,但係沒有灰心,因為每一個經歷都係成功嘅橋樑。今次學到嘅係,原來賽車比賽唔止講求駕駛嘅速度,汽車嘅零件狀況,人嘅精神、健康狀態,上落車過程嘅每一個細節,團隊嘅合作性,每一樣野都要好注意,每一樣都係影響成功嘅因素。

Cory話每一次比賽都是一場很好的人生經驗,本來勝算在握,點會詁到會變成完成唔到賽事,人生就是這樣變幻莫測。

浩楠

Stars-hk 創辦人, 希望建立一個只談專業, 不談八卦的娛樂資訊網站。