張苡澂獲Tom Ford Beauty高層親自教化妝 狂掃數萬元化妝品

歌手張苡澂(Venus)獲連卡佛(Lanecrawford)邀請出席Tom Ford Beauty嘅品牌化妝活動,活動由頂級化妝師Matthew Tyler(TOM FORD BEAUTY國際教育總監)教授時尚化妝技巧外,對於2015年的新妝資訊和趨勢也掌握了不少。

獲化妝師高層讚皮膚靚

Venus說:「原本主辦單位邀請咗品牌創辦人嚟香港做分享,可惜因為對方臨時有安排未能夠出席,但有個靚仔頂級化妝師Matthew由杜拜專程飛到香港為尊貴客戶教授時尚化妝技巧。Matthew笑起嚟同認真個樣真係電暈在場好多女士吖,好開心得到佢讚我皮膚靚,仲搵我嚟做化妝示範,我好開心一下子買咗幾萬蚊化妝品同香水!」

登台壓力大Shopping減壓

被問到心情咁靚有咩原因? Venus表示:「因為近期要加緊排練《香港群星演唱會2014繼續寵愛哥哥當年情》及《霸王別姬》音樂劇嘅演出,實在好興奮可以參與其中,而且要非常認真排練每個細節!由於經常要排練很辛苦,所以都要適當嘅時候獎勵一下自己減壓!何況女士不嬲都愛時尚美,工作嘅同時亦都要學習同吸收更多唔同嘅資訊增值自己,咁先可以令自己嘅生活更加充實之餘,亦平衡到一直以來嘅辛勞。」

浩楠

Stars-hk 創辦人, 希望建立一個只談專業, 不談八卦的娛樂資訊網站。