胡琳搵茜利妹邵子風夾錢租亞視頻度

歌手胡琳(Bianca)到茜利妹及邵子風主持的節目《娛樂後援會》受訪,更即場教大家「嘟咀」鍛鍊發聲技巧。談及最新唱片遠赴巴黎拍攝封套及MV,她大發嬌嗔道:「其實我好慘㗎!拍親MV都得自己一個行來行去擺pose,從來都冇男角,我都有不停向公司反映,都係回答我budget問題……」邵子風趁機sell自己當其MV男角:「我可自費機票,做埋導演都仲得,零budget。」

Bianca表示:「其實我最想同金城武做對手戲,唔使拍戲咁長,短短地一個MV就滿足呢!另外,小方(方力申)最近咁震撼!如果請到佢做我MV男主角都開心,戲軌應該係佢教我游水(即係要除衫啦!),因為我真係唔識游水……」談到終生伴侶,一定不會以外形取決,她說男人肯擔當、夠Man就最吸引。

邵子風經行內人收風,透露亞視七月會出租一條數碼頻度,一年租金約一千萬,一租三年即三千萬,Bianca表示有興趣:「不如我地夾錢租,我都有興趣做電視台CEO。」茜利妹謂:「難得你發起,成全你!我夾$500,其餘你貼,你佔大份,你做CEO。」邵子風卻主張:「不如發起網民力量,夾錢租咗條Channel再原價租番俾王維基,唔為賺錢,為啖氣!」

浩楠

Stars-hk 創辦人, 希望建立一個只談專業, 不談八卦的娛樂資訊網站。